• Home
  • Fresh Scoops
  • Matatandaang nagpaabot ng tulong sina Anne Curtis at Angel Locsin sa limang siyudad matapos makalikom ng anim na milyon mula sa kanilang Shop & Share initiative.

Vico Sotto, pinasalamatan sina Anne Curtis at Angel Locsin sa tahimik na pag-donate ng isang milyong piso

Matatandaang nagpaabot ng tulong sina Anne Curtis at Angel Locsin sa limang siyudad matapos makalikom ng anim na milyon mula sa kanilang Shop & Share initiative.

BY
PUSH TEAM

FRESH SCOOPS

04/13/2021 08:48 AM
Vico Sotto, pinasalamatan sina Anne Curtis at Angel Locsin sa tahimik na pag-donate ng isang milyong piso
Photo Credit: @annecurtissmith, @vicosotto and @therealangellocsin Instagram

Lubos ang pasasalamat ni Pasig City Mayor Vico Sotto sa mga Kapamilya stars na sina Anne Curtis at Angel Locsin dahil sa pag-donate nila sa ng pera na nagkakahalaga ng isang milyong piso para sa lungsod ng kanyang kinasasakupan. 

 

 

Ani Vico, nag-abot sina Anne at Angel ng tseke sa kanyang opisina ng walang media o kahit na anong pakulo para pag-usapan ng publiko. 

"Dinonate nila ito walang fanfare, walang media. Ni hindi nga kami nagkita. Iniwan lang nila 'yung tseke,” saad ng alkalde sa isang Facebook Live session na isinagawa nitong Lunes, Abril 12. 

Matatandaang nakalikom ng higit anim na milyon sina Anne at Angel mula sa kanilang isinagawang celebrity auction na Shop & Share kung saan ipinamahagi nila ang tulong sa Philippine Red Cross at lima pang lungsod kabilang na ang siyudad ng Pasig. 

READ: Angel Locsin launches ‘Shop and Share’ initiative to provide mass testing in the Philippines

Samantala, pinasalamatan naman ni Vico ang lahat ng nagpaabot ng tulong para sa mga taga-Pasig at sinabing: "Thank you sa lahat nang tumutulong, nagmamalasakit, alam ko man o hindi.”

Sinigurado naman ni Vico na mapupunta ang nalikom na pera sa pagbili ng mga bakuna kontra COVID-19. 

"Idadagdag po natin 'yan sa vaccination fund natin," sambit ni Vico. 

READ: Angel Locsin is selling one of her cars to raise funds for COVID-19 mass testing

Maliban sa Pasig, nakatanggap din ng pera ang iba pang lungsod ng Maynila, Baguio, Taguig, at Quezon City mula sa pondong nalikom nina Angel at Anne. 

Sinimulan nina Angel at Anne ang kanilang Shop & Share initiative Mayo noong nakaraang taon upang makatulong sa pagbili ng COVID-19 test kits para sa mga mahihirap. 

 

 

Hindi ito ang unang beses na isinagawa nina Angel at Anne ang Shop & Share para sa kanilang mga kababayan. Matatandaang isinagawa din dahil ang nasabing fund drive noong nanalasa ang bagyong Ondoy sa Pilipinas noon.