• Home
  • Fresh Scoops
  • All set na para sa panibagong concert si Direk Paul Basinillo kasama ang popstar royalty na si Sarah Geronimo.

Concert director Paul Basinillo, proud sa naging tagumpay ng ‘Tala: The Film Concert’

All set na para sa panibagong concert si Direk Paul Basinillo kasama ang popstar royalty na si Sarah Geronimo.

BY
Kiko Escuadro

Twitter: @Simplengbinata

FRESH SCOOPS

04/10/2021 06:28 PM
Concert director Paul Basinillo, proud sa naging tagumpay ng ‘Tala: The Film Concert’
Photo credits to Paul Basinillo's FB Page

Sa gitna ng COVID-19 restrictions, proud ang concert director na si Paul Basinillo sa postibong reviews ng kaniyang kauna-unahang digital concert, ang Tala: The Film Concert.

Ang Tala: The Film Concert ay pinangungunahan ng popstar royalty na si Sarah Geronimo na ginanap noong March 27, 2021.

Sa naging panayam ng PUSH sa concert director, masayang ibinahagi ni direk Paul ang ilan sa kaniyang pinagdaanan sa pagbuo ng kauna-umaga ng film concert project.

“Since this is the first time we are doing an online concert of this scale, everyone really didn’t know what to expect,” bungad ni direk Paul.

Ayon pa sa concert director, nagkaroon siya ng pag-aalinlangan kung handa na ba ang mga manonood sa digital concert tulad ng kanilang gagawin.

“Will the crowd still watch? Will people patronize a local show versus a foreign show? Will they prefer watching Netflix or HBO rather than our local streaming sites like KTX.ph or IWantTFC? So many questions and yet we applaud the bravery of the producers, specifically Boss Vic (del Rosario) for encouraging us to mount a show of this magnitude during these uncertain times. He was the one who really pushed for this major project to take place,” patuloy na pahayag ng direktor.

Aniya, sa tiwala ng mga taong bumubuo mg show, naituloy nila ng maayos at matagumpay ang kanilang proyekto.

“Luckily we followed our gut and produced it. It’s a gamble that paid off big time for everyone. As of this writing and as you may already know, we’ve been dubbed as ‘THE BIGGEST SELLING ONLINE CONCERT’ to date. And because the steaming is not limited to the Philippine Market, people from across the globe were able to watch it. We trended worldwide during the premiere of the film concert,” proud niyang sabi.

Dahil bago sa gagawing digital concert, aminado ang concert director na bumuhos ang kaniyang kaba at pangamba sa ginagawang show kasama si Sarah Geronimo.

“Nakakaba? Yes definitely. In fact I was on edge during the show, but when I saw how people are reacting to it, sobrang encouraging lang. Nakakataba ng puso na makakita ng mga nag-gagandahang komento about TFC (The Filipino Channel) . Maybe this type of format can co-exist kasabay ng live events in the future. Iba din ang adrenaline nya. Pag sa live, you get your energy from the applause of the crowd. Pag sa online may applause, may comments na real time, pero virtual lahat,” sabi pa niya sa panayam.

Dahil sa tagumpay ng unang Tala: The Digital Concert noong March 27, naghahanda na ngayon para sa repeat ang grupo ni Direk Paul para muling ibahagi ang talento ni Sarah sa concert stage.

“Now, because of word of mouth and public demand we are doing a repeat. We made it two dates, May 1, 8 p.m. and May 2, 11 p.m. sa mga partners naming steaming sites pa din, kasi baka hindi din kayang ma accommodate ng isang date lang,” sambit pa ng concert director.

Bilang director, proud din si direk Paul na hindi lang sa Pilipinas mapapanood ang Tala: The Film Concert. Paliwanag niya maraming digital streaming platform rin ang nagpahayag ng suporta sa kanilang proyekto ni Sarah.

“Like what happened sa VVIP tickets, We weren’t expecting it na ma sold out in almost 24 hours, Now, since we’re streaming globally, we added another date na ibang time zone naman, so yung May 2, 11 a.m. is also meant for countries like North America so they enjoy the steaming in their time zone. Maraming countries pa na idadagdag dito,” pahayag ng direktor.