• Home
  • Fresh Scoops
  • Inamin ni Carlo Aquino na dumating sa puntong muntik na niyang iwan ang paga-artista dahil sa kawalan ng proyekto.

Carlo Aquino, inaming minsan nang naisipang mag-retire sa showbiz

Inamin ni Carlo Aquino na dumating sa puntong muntik na niyang iwan ang paga-artista dahil sa kawalan ng proyekto.

BY
PUSH TEAM

Twitter: @Push_Alerts

FRESH SCOOPS

03/08/2021 03:09 PM
Carlo Aquino, inaming minsan nang naisipang mag-retire sa showbiz
Photo Credit: @jose_liwanag Instagram

Inamin ni Carlo Aquino na dumating sa puntong muntik na niyang iwan ang paga-artista dahil sa kawalan ng proyekto.

Sa vlog ni Erich Gonzales na inilabas noong Linggo, Marso 7, ikinwento ng aktor na binalak niyang bumalik sa paga-aral at mangibang bansa upang mas makatulong sa kanyang pamilya.


"May time kasi na walang masyadong ginagawa, walang masyadong project. Or may project pero mga indie. Eh siyempre kapag mga ganun, hindi naman ganun kaganda 'yung TF, 'di ba. Eh kailangan ko mag-support for the family," ani Carlo, na noon pa man ay tumatayo nang breadwinner ng kanyang pamilya.

"Hindi ko naman nirereklamo 'yun kasi gusto ko rin naman 'yun. Pero 'yun, inisip kong mag-ibang bansa, pero maga-aral muna ako kasi hindi rin naman ako nakapag-tapos. Basta 'yung desisyon na 'yun is based dahil kailangan kong makapag-provide for the family," patuloy niya.

Nagpapasalamat naman si Carlo na hindi niya tinalikuran ang kanyang trabaho bilang isang aktor. 

"Thankful talaga ako dahil parang ginawa ako para maka-arte... Gusto kong umarte hanggang kaya ko," aniya

Samantala, nagkwento rin si Carlo tungkol sa kanyang buhay bilang ama sa kanyang anak na si Enola Mithi.

 

 
 
 
 
 
 
 
 
 
 
 
 
 
 
 

A post shared by Carlo Aquino (@jose_liwanag)

 

"Masarap. Sobrang humaba 'yung pasensiya ko. Nag-iba. 'Yung inspirasyon... kasi ever since talaga gusto ko na magka-baby. Mahilig talaga ako sa bata. Tapos sinasabi ng mga pinsan ko, ng mga kaibigan ko, 'Subukan mo kasi mahirap.' Tapos nung na-experience ko, oo, mahirap. Mahirap na hindi mahirap. Basta kapag makikita mo 'yung anak mo, parang buo ka," sabi ni Carlo. 

Binalikan din ng aktor kung paano sila unang nagkakilala ng ina ng kanyang anak na si Trina Candaza, na isang model.

"Mahilig kasi ako sa mga motor, 'di ba. So isang beses, niyaya ako ng kaibigan ko na pumunta sa mga show. Pumunta ako sa World Trade, tapos 'yun, ikot ikot. Siyempre may mga models, may mga babae. Tapos nakita ko siya. Tapos sabi ko, 'Ang ganda ng mata mo.' Siya lang 'yung napansin ko talaga. Tapos nagpa-picture ako sa kanya," kwento ni Carlo.

"After a few weeks, hinanap ko siya sa Facebook. Actually, kilala ko 'yung sister niya. So hinanap ko siya doon sa Facebook ng [sister niya]. Nag-stalk pa 'ko. Kinuha ko 'yung number niya, nilabas ko siya, nag-Greenhills, tapos nagdire-diretso na. Tapos tumigil, tapos nagkagulo, kung anu-ano nang nangyari... Ayaw ko nang maging detalyado doon. Tapos 'yun, nagkita ulit kami. Nag-pursue ako, kasi hindi ko siya makalimutan. After 9, 10 months naging kami," patuloy niya.

BASAHIN: ‘Sa akin kayo magalit’: Carlo Aquino asks fans to spare rumored girlfriend, others from bashing

Sa vlog, ibinahagi rin ni Carlo ang pangarap niya para sa kanyang pamilya. 

"Maging masaya. 'Yun lang naman, eh. 'Yun lang naman ang ultimate goal 'di ba. As of now masaya naman kami," ani Carlo, na sinabi ring plano niyang magpatayo ng bagong bahay para sa kanila ng kanyang mag-ina. 

"Kasi meron akong bandang Laguna na nakuhang lote. Kasi itong house ko sa QC ngayon, old family house namin. Tapos umalis na 'yung parents ko, lumipat doon sa apartment namin. Doon kami nakatira ngayon sa QC. So medyo luma na siya, tsaka gusto ko gawin 'yung bahay na gusto namin," dagdag pa niya.