Bea Alonzo, gaganap bilang asawang may Alzheimer's disease sa pelikula nila ni Alden Richards

BY
PUSH TEAM

FRESH SCOOPS

02/24/2021 04:13 PM
Bea Alonzo, gaganap bilang asawang may Alzheimer's disease sa pelikula nila ni Alden Richards
Photo credit: @beaalonzo @aldenrichards02 IG

Naghahanda na si Bea Alonzo para sa kanyang karakter sa Pinoy adaptation ng sikat na Korean movie na "A Moment to Remember," kung saan makakasama niya si Alden Richards.

Dito, gagampanan ng aktres ang papel ng isang babaeng may sakit na Alzheimer's disease.

 


 
 
 
 
 
 
 
 
 
 
 
 
 
 
 

A post shared by bea alonzo (@beaalonzo)

 

“Nuel (Naval, director) and I have met Bea to talk about the role. I sincerely felt her excitement for the project,” pagbahagi ni Mel del Rosario na nagsulat ng screenplay ng pelikula sa panayam ng ABS-CBN News.

“She became prepared with her black notebook and asked questions about the role and how best to portray it. In fairness, she did her assignment studying the character."

Ayon kay Mel, ang biggest challenge para kay Bea ay ang pag-project ng "blank" o "lost" look ng isang Alzheimer patient.

“Paano daw 'yung blangko or 'yung tagos ang tingin na sa totoo lang, ang hirap i-arte,” aniya.

Sinigurado naman ni Mel na gagabayan ng mga medical experts at consultants si Bea sa pagganap niya sa nasabing karakter.

Samantala, hindi pa umano nakakaharap ni Mel si Alden upang pag-usapan ang kanyang papel bilang asawa ng karakter ni Bea sa pelikula. 

“But he is all praises for the role, wala siyang comment for significant revisions," aniya.

Sa panayam, ibinahagi rin ni Mel ang challenge sa pagbuo ng Pinoy adaptation ng "A Moment to Remember."

“Ang challenge is how to make the material that is originally a Japanese series then a Korean film, Filipino. May mga plots and elements na 'di applicable sa sensibilities like putting elders natin in institutions so we had to drop them," aniya.

READ: Alden Richards, Bea Alonzo to star in PH adaptation of a Korean movie

Tungkol naman sa mensahe ng pelikula, sinabi ni Mel: “Maiiwan sa manonood ang value of family and committment in marriage. The film will embody the solemn vow -- for couple to stay together in sickness and in health."

Sa March 14 nakatakdang magsimula ang shooting para sa "A Moment to Remember."