• Home
  • Fresh Scoops
  • Inamin ni Christian Bables na muntikan na niyang talikuran ang kanyang career sa Pilipinas.

Christian Bables, nagdesisyong iwanan ang Pinas para magtrabaho sa Amerika bago nakasali sa MMFF

Inamin ni Christian Bables na muntikan na niyang talikuran ang kanyang career sa Pilipinas.

Christian Bables, nagdesisyong iwanan ang Pinas para magtrabaho sa Amerika bago nakasali sa MMFF-Leo Bukas
BY
Leo Bukas

Twitter: @leobukas

FRESH SCOOPS

12/31/2021 11:14 AM
Christian Bables, nagdesisyong iwanan ang Pinas para magtrabaho sa Amerika bago nakasali sa MMFF
Photo credits to @christiaaan06 on Instagram

Dumating si Christian Bables sa puntong pinanghihinaan na siya sa takbo ng kanyang showbiz career sa Pilipinas at nagdesisyon ng pumunta ng Amerika para doon naman magtrabaho at sumubok ng ibang buhay. Aalis sana si Christian nitong December pero pinigilan siya ng kanyang producer at direktor na ipagpaliban muna ito dahil nakapasok ang kanilang pelikulang Big Night! sa 2021 Metro Manila Film Festival.

“Kagabi, habang naghihintay magsimula ang MMFF Gabi Ng Parangal (December 27), kinausap ko sina Direk Jun (Lana) and Direk Perci (Intalan). I told them I was feeling weak,” pagtatapat ng aktor.

Patuloy ni Christian, “Humihina ang kapit ko sa totoong rason at purpose kung bakit ko gustong umarte. Or maybe, somewhere along this chaotic times, the joy of giving life to a character has become unfamiliar.


“I was planning to move to the US. Create a new life or maybe continue to pursue my passion in acting. Dala siguro ng anxieties dahil sa pandemya.

“But God moves in mysterious ways. The day I was deciding to book a one way flight to the US, nag-message si Direk Perci, pasok daw ang Big Night! sa MMFF. Ipagpaliban ko daw muna ang pag-alis ko, na ang akala ng lahat ng pinagpaalaman ko ay bakasyon lang.”

Christian Bables, ‘magical’ kung ilarawan ang pagbabalik film fest

Nang mapanood ni Christian ang Big Night! at muli raw niyang naalala kung ano talaga ang kanyang purpose sa paggawa ng pelikula at kung anong fulfillment ang kanyang nararamdaman dito bilang aktor.

“When I finally saw our film, I was reminded of my purpose. I was reminded of how fulfilling it is to give life to Dharna (character niya sa Big Night!). The joy of being the character. And the triumph my heart and soul feels whenever I give voice to the likes of Barbs, Intoy, Samuel, Chef Calix, Iron (iba’t iba pang character na kanyang ginampanan sa pelikula),” pagbabahagi ni Christian on what he realized.

“Hindi ko alam kung ano ang plan ni God, pero isa lang ang naging klaro sa akin. Gusto kong patuloy na makapaghatid ng mga mensaheng makakabuluhan through my art. Dito sana sa bansa natin, para sa bansa natin, kung patuloy mabibigyan ng pagkakataon,” dagdag pa niya.

Si Christian ang tinanghal na best actor ng 47th MMFF para sa Big Night! Nakalaban niya sa same category sina Dingdong Dantes (A Hard Day) at Daniel Padilla (Kun Maupay Man It Panahon).

“Again, I want to thank everyone involved in this year’s Metro Manila Film Festival (MMFF) Official. To the Board of Jurors, and to the Executive Committee, thank you for recognizing the love I have for the craft. Maraming salamat po sa parangal,” pasasalamat niya sa award na natanggap.

Christian Bables reveals how he started in acting: ‘Wala akong pambayad ng workshops’

Nagpasalamat din si Christian sa kanyang buong pamilya na aniya’y malaking bahagi ng kanyang pagkatao at kumukumpleto sa kanyang buhay.

Pinasalamatan din ni Christian ang kanyang mga producers (The IdeaFirst Company, Quantum Films, OctoberTrain Films at Cignal Entertainment) at ang manager niyang si Boy Abunda.

“Maraming salamat sa lagi at patuloy na pagbibigay ng tiwala sa mga kaya ko bilang aktor. Salamat po,” sabi pa niya. 

Hindi rin kinaligtaan ni Christian na pasalamatan si Direk Rahyan Carlos and Ivana Chubbuck na itinuturing niyang mentor sa pag-arte. 

Mensahe niya, “Thank you for helping me discover the brilliance behind every pain. Thank you for teaching me to win in life. I’ll never stop learning.”

“Kasabay ng pagbubunyi, ay ang pakikiusap na sana po ay patuloy niyong suportahan ang aming pelikula, ang Big Night!, at ang iba pang mga pelikulang kasali sa MMFF. 

“For all the Dharna, Intoy, at Barbs out there, this is for you. Maraming salamat po. Mabuhay ang Pelikulang Pilipino!” huling pahayag ng award-winning actor.