• Home
  • Fresh Scoops
  • Bibida ang Kapamilya actor na si Coco Martin sa ‘Apag’, ang bagong pelikula ng award-winning director na si Brillante Mendoza.

Coco Martin, bibida sa Kapampangan film na 'Apag'

Bibida ang Kapamilya actor na si Coco Martin sa ‘Apag’, ang bagong pelikula ng award-winning director na si Brillante Mendoza.

Coco Martin, bibida sa Kapampangan film na 'Apag' -Leah Bueno
BY
Leah Bueno

Twitter: @Push_Alerts

FRESH SCOOPS

12/22/2021 10:06 AM
Coco Martin, bibida sa Kapampangan film na 'Apag'
Photo credits to @iamgladysreyes on Instagram

Bibida ang Kapamilya actor na si Coco Martin sa Apag, ang bagong pelikula ng award-winning director na si Brillante Mendoza. 

Nagsimula nitong Linggo, December 19, ang shooting para sa Apag, o Hapag na isang Kapampangan film, ayon sa co-star ni Coco na si Gladys Reyes.

Sa Instagram, nag-post ang aktres ng ilang retrato kuha mula sa set ng pelikula.


"First shooting day! Another answered prayer... movie entited 'Apag' (Hapag) Kapampangan Film by the multi-awarded director, Direk Brillante Mendoza with Coco Martin," aniya.

(Unang araw ng shooting! Panibagong dasal na natupad... 'Apag' (Hapag), ang Kapampangan film ng multi-awarded director na si Direk Brillante Mendoza kasama si Coco Martin.

Patuloy ni Gladys, "memorable experience" para sa kanya ang makatrabaho sina Brillante at Coco sa unang pagkakataon. Aniya, nag-enjoy siyang kausap si Coco sa set, at hanga rin siya sa pagiging humble at hardworking nito.

"Looking forward to our next shooting days," aniya. "Grateful to you Lord for this."

(Excited para sa aming mga susunod na shooting days. Nagpapasalamat sa 'yo Panginoon para rito.)

Sa kanyang susunod na post ay nag-share si Gladys ng retrato kasama ang buong cast ng Apag, kabilang na sina Gina Pareño, Jaclyn Jose, Lito Lapid, Julio Diaz, at Ronwaldo Martin na nakababatang kapatid ni Coco.

"Working with these multi-awarded actors and director in one movie is indeed a big blessing! Having so much fun with them and at this early, we're already like a big family on the set," ani ng aktres.

(Malaking blessing para sa akin ang maka-trabaho ang multi-awarded actors at direktor sa isang pelikula. Masaya akong kasama sila at ngayon pa lang ay para na kaming isang malaking pamilya sa set.


Ang Apag ay nagsisilbing reunion project nina Coco at Brillante, na unang nagkatrabaho sa indie film na Masahista noong 2005.

Nagsama rin ang dalawa sa pelikulang Summer Heat, Foster Child, Serbis, at Kinatay. Huli silang nagkatrabaho sa French-Filipino film na Captive na inilabas noong 2012.

Bukod sa Apag, mayroon ding binubuong pelikula ngayon sina Brillante at Coco kasama ang napapabalitang nobya ng aktor na si Julia Montes.

LOOK: Coco Martin and Julia Montes on set of new film

Sa ngayon ay wala pang binibigay na ibang detalye tungkol sa Apag, kabilang na ang plot at release date nito.