• Home
  • Fresh Scoops
  • Isang bagong awitin ang alay ng singer-songwriter na si Ogie Alcasid para sa mga frontliners na patuloy na nagsisilbi at nakikipaglaban sa COVID-19.

Ogie Alcasid, may bagong awitin para sa mga frontliners

Isang bagong awitin ang alay ng singer-songwriter na si Ogie Alcasid para sa mga frontliners na patuloy na nagsisilbi at nakikipaglaban sa COVID-19.

BY
Leah Bueno

Twitter: @Push_Alerts

FRESH SCOOPS

12/02/2021 02:54 PM
Ogie Alcasid, may bagong awitin para sa mga frontliners
Photo credits to @ogiealcasid on Instagram

Isang bagong awitin ang alay ng singer-songwriter na si Ogie Alcasid para sa mga frontliners na patuloy na nagsisilbi at nakikipaglaban sa COVID-19.

Pinamagatang "Bayaning Tunay", sinulat at inawit ito ni Ogie kasama ang ilan pa sa mga sikat na OPM singers, kabilang na sina Lea Salonga, Gary Valenciano, Martin Nievera, Piolo Pascual, Lani Misalucha, Pops Fernandez, at ang asawang si Regine Velasquez.

Kasama rin sina Ely Buendia, Rico Blanco, Bamboo Mañalac, Jed Madela, Erik Santos, KZ Tandingan, at marami pang iba.


"Launching very soon is a new song I wrote for our frontliners. The song is called 'Bayaning Tunay'. Featured in the song are our very own OPM singers who have given their talents so unselfishly for this project," ani Ogie sa kanyang Instagram post.

"Sa ating mga frontliners, saludo!!! 'Di namin kayo malilimutan. Mahal namin kayo."

 
 
 
 
 
 
 
 
 
 
 
 
 
 
 

A post shared by Ogie Alcasid (@ogiealcasid)

Sa virtual conference ng kanyang digital fundraising concert na Christmas with the Stars, ibinahagi ni Ogie kung ano ang nag-inspire sa kanya para sumulat ng kanta para sa mga frontliners.

“The reason why I wrote this song, 'Bayaning Tunay,' is because there was a time na 'yung ating frontliners, talagang napabayaan, 'no? I felt that since the pandemic is, I can’t say it’s coming to an end, but it feels like, things are getting better, I think, parang huwag natin silang kalimutan na pasalamatan sa mga nagawa nila," ani Ogie.

"And especially me, because when my father passed away, na-witness ko talaga virtually just how hard they work. And I remember when my dad was dying in the hospital, hirap na hirap akong makipag-communicate sa kanya, dahil hindi na niya ma-control 'yung phone niya. So, I had to look for a nurse. And during that time, ang taas-taas ng kaso ng COVID. Walang umo-oo sa akin."

Patuloy pa ng singer: "And there was this guy parang sabi niya, ‘Sige, Sir, gagawin ko po 'yan.’ His name is William Gonzaga, hindi ko makalimutan 'yung pangalan niya. And parang siya ang nagsilbing angel. Siya 'yung go-between ko, between me and my dad. Siya 'yung nagpapaligo sa daddy ko. Tapos, siya yung nagvi-video, ganoon. And hanggang nung namatay na 'yung father ko, nung cremation ng father nandoon pa rin siya. Sabi ko, ‘Grabe ‘tong taong ‘to! Grabe 'yung dedication niya, kaya hindi ko siya makakalimutan.' That’s why itong mga panahong ito na feeling ko, hindi natin puwedeng kalimutan ang mga frontliners. That’s why I wrote that song."

Setyembre noong nakaraang taon nang mamaalam ang ama ni Ogie na si Herminio Alcasid Sr. 

BASAHIN: “I will miss you so much Dad”: Ogie Alcasid’s father passes away

Nito lamang Oktubre ay naglabas ng orihinal na Christmas song si Ogie na pinamagatang "Pasko ng Mga Pinoy." Tampok dito ang mga tradisyon na ginagawa ng mga Pilipino tuwing Kapaskuhan. Nagsisilbi rin ito bilang masayang paalala sa pagmamahal at ligayang nararamdaman sa panahon ng Pasko. Mapapakinggan ito sa iba't ibang music streaming platforms.