• Home
  • Fresh Scoops
  • Marami ang nagtaka sa family photo na ipinost ni Neri Naig noong wedding anniversary nila ng asawang si Chito Miranda.

Neri Naig, sinagot ang tanong ng netizens tungkol sa family photo

Marami ang nagtaka sa family photo na ipinost ni Neri Naig noong wedding anniversary nila ng asawang si Chito Miranda.

Neri Naig, sinagot ang tanong ng netizens tungkol sa family photo-Leah Bueno
BY
Leah Bueno

Twitter: @Push_Alerts

FRESH SCOOPS

12/16/2021 11:43 AM
Neri Naig, sinagot ang tanong ng netizens tungkol sa family photo
Photo credits to @mrsnerimiranda on Instagram

Marami ang nagtaka sa family photo na ipinost ni Neri Naig noong wedding anniversary nila ng asawang si Chito Miranda.

Sa retrato kasi na in-upload ng dating aktres sa Instagram, makikitang may kasamang batang babae ang mag-asawa at ang kanilang dalawang anak na sina Miggy at Cash.

Tanong ng netizens, sino ang babae sa retrato? At bakit tila parati siyang kasama sa family pictures ng pamilya Miranda?

Marami ang nagsasabi na ang batang babae na si Pia ay adopted sister ni Neri na naging anak-anakan na umano nila ng kanyang mister.

Ayon sa isang netizen, nasa kustodiya na ni Neri ang bata at siya na rin ang nagpapaaral dito.

Gayunpaman, may ilan ding nagsasabi na si Pia ay marahil anak ni Chito sa dating relasyon dahil tila ay may pagkakahawig silang dalawa.

Komento pa ng isang netizen, si Pia ay anak ni Chito sa pagkabinata, at pinalalabas lang umano ng mag-asawa na batang kapatid ito ni Neri. 

BASAHIN : ‘Para maka-chicks pa?’ Neri Naig, ipinaliwanag kung bakit hindi suot ni Chito Miranda ang kanyang wedding ring

Sa kanyang post, sinagot ni Neri ang tanong ng maraming netizens tungkol sa pagkakakilanlan ni Pia. 

Pag-amin niya, inampon umano nila ni Chito ang bata para maging isang Miranda.

"Sa mga Marites (tsismosa), Pia is our daughter. Every child deserves a home and love. Period," ani Neri.

Tila ikinainis naman ng dating aktres ang naging paratang ng ilang netizens tungkol sa kanyang asawa.

"Ok na? Gets na 'yan?" aniya. "Grabe ang pagiging tsismosa ng ibang tao. Nahusgahan at nagawan na ng mga kwento."

Samantala, sa kanyang sariling post ay kinumpirma rin ni Chito na si Pia ay adopted daughter nila ni Neri.

Ayon sa frontman ng bandang Parokya ni Edgar, malapit na nilang maging opisyal na anak si Pia.

"She will soon be. As we are in the process of making her ours, officially," aniya.

Noong Lunes, December 13, ipinagdiwang nina Neri at Chito ang kanilang ika-pitong anibersaryo bilang mag-asawa.

Neri Naig and Chito Miranda mark 7th wedding anniversary

Ikinasal ang dalawa sa isang civil ceremony taong 2014. Muli silang nagpalitan ng wedding vows sa isang garden wedding ceremony sa Tagaytay City.

November 2016 nang ipinanganak ni Neri ang kanilang panganay na si Miggy. Samantala, ang kanilang bunso na si Cash ay ipinanganak Oktubre nitong taon, sa gitna ng umiiral na COVID-19 pandemic.