• Home
  • Fresh Scoops
  • Ayon kay McCoy De Leon, gusto lang nilang magibg praktikal lalong may pandemya pa.

McCoy de Leon at Elisse Joson, hindi nagmamadaling magpakasal

Ayon kay McCoy De Leon, gusto lang nilang magibg praktikal lalong may pandemya pa.

McCoy de Leon at Elisse Joson, hindi nagmamadaling magpakasal-Leo Bukas
BY
Leo Bukas

Twitter: @leobukas

FRESH SCOOPS

12/11/2021 02:34 PM
McCoy de Leon at Elisse Joson, hindi nagmamadaling magpakasal

Kahit may anak na sina McCoy De Leon at Elisse Joson—si Baby Felize McKenzie—ay hindi raw sila nagmamadaling magpakasal. Ito ang inamin ni McCoy nang makausap siya ng PUSH sa special screening ng musical film na Yorme: The Isko Domagoso Story na ginanap sa dalawang sinehan ng SM Manila kamakailan lang.

Ani McCoy, “Lagi naming pinag-uusapan ni Elisse yan, pero lagi naming binabanggit sa sarili namin na dapat maging praktikal lang kami. Siyempre, di rin biro ang manganak lalo na ngayon pandemya, kailangang mag-ipon.

“Yung kasal, Kuya Leo, siguro soon, wala namang problema do’n. Darating din naman tayo do’n. Kailangan lang siguro talaga naming paghandaan yon.”


Patuloy ng aktor, “Saka di naman ako ang sasagot, ako naman ang magtatanong kasi ako yung magpu-propose.”

READ: McCoy de Leon proud of his acting in a musical film: ‘Achievement yun para sa akin’

Idinagdag din ni McCoy na sa ngayon ay mas nakatuon ang kanyang atensyon kung paano palalakihin nang maayos at maibibigay ang pangangailangan ng kanyang mag-ina.

“Matinding responsibility yan on my part kaya kailangan kong mas maging masipag,” sambit niya na aminado ring napakalaki talaga ng ipinagbago ng kanyang buhay simula nung maging isang ama na siya.

Reaksyon niya, “Masasabi ko lang, masayang-masaya ako sa buhay ko ngayon. Ibang-iba, ibang turning point ito. Kumbaga, nagkaroon lalo ng direksiyon.

“Di ko ma-explain yung words, pero ang sarap pala magkaroon ng anak lalo na ng pamilya. Mas lalo kong gustong magpursige sa buhay. Di lang sarili ko ang binubuhay ko, di lang pamilya ko, kapatid o magulang ko.

“May sarili na akong pamilya na bubuhayin ngayon. Dodoblehin ko kung paano ako magtrabaho ngayon. Siyempre, habang nagtatrabaho, mas inspired, mas happy ako sa gagawin ko.”

Eh, ano naman ang reaksyon niya kapag sinasabing mas mas kamukha niya si Baby Felize kesa kay Elisse?

Pabirong sagot ni McCoy, “Ayokong magsalita, baka magalit si Elisse. Hahaha! Siguro malakas ang dugo ko.

“Pero paglaki niya, sure ako na kasing-ganda niya rin si Elisse. Pero sana maging mabait siya. Di naman importante kung ano ang hitsura, basta mabait, makatao, makisalamuha nang maayos. Yon lang naman,” pahayag pa ni McCoy.

READ: McCoy De Leon and Elisse Joson reveal their new discoveries about each other as parents

Excited naman si McCoy sa pagdiriwang ng darating na Kapaskuhan dahil unan taon nila ni Elisse na makakasama ang kanilang baby.

“Masaya kaming magpa-Pasko. Frst time namin ni Elisse na mag-Pasko at first time din namin na may anak na mag-Pasko. So, maraming gastos,” sabay tawa niya.

“Sobra. Iba talaga. Ibang turning point ng buhay ko ito kaya sa akin, hindi ko palalagpasin ito saka memorable sa akin. Ibibigay ko ang lahat ng happiness sa kanila lalo na ngayong Pasko,” excited na sabi ulit ni McCoy sa PUSH.