• Home
  • Fresh Scoops
  • Kasama ni Kris Aquino kumain sa nasabing fast food chain ang partner nito na si Mel Sarmiento.

Kris Aquino, nag dine-in sa isang sikat na fast food chain kasama ang fiancé: ‘Walang basagan ng trip’

Kasama ni Kris Aquino kumain sa nasabing fast food chain ang partner nito na si Mel Sarmiento.

BY
Pao Apostol

FRESH SCOOPS

11/09/2021 04:13 PM
Kris Aquino, nag dine-in sa isang sikat na fast food chain kasama ang fiancé: ‘Walang basagan ng trip’
Screenshot from @krisaquino Instagram

Usap-usapan nitong mga nakaraang araw ang mga litrato nina Kris Aquino at fiancé nitong si Mel Sarmiento kung saan nag-dine-in sila sa isang sikat na fast food chain. 

 

 
 
 
 
 
 
 
 
 
 
 
 
 
 
 

A post shared by KRIS AQUINO (@krisaquino)


 

Maliban sa pambihirang pagkakataon na kumain sa isang fast food chain ang isang Kris Aquino, partikular na kinigaliwan ng mga netizens ang pagpunta doon ni Kris na suot ang kanyang damit mula sa dinaluhang kasal. 

Ani Kris, inabot ng tatlong oras ang kanilang biyahe mula Tagaytay kaya naman naisipan nilang dumaan sa nasabing fast food chain. Ito umano ang first date nila ni Mel. 

READ: Kris Aquino and fiancé Mel Sarmiento share love story

Pag-amin naman ni Kris, ilang taon na rin ang nakalilipas mula nang huli siyang kumain sa isang fast food chain. 

Saad pa niya, masaya siyang maramdaman kung paano maging isang regular na tao muli.  

“It was more than 3 hours to get back kaya nag stop sa fast food and it’s been YEARS since I’ve entered that particular brand and after the pandemic naaliw sa kin everyone with me especially Mel, because I said ang sarap maging normal, regular person,” ani Kris.

READ: Celebrities react to Kris Aquino’s engagement

Ayon kay Kris, sinabihan umano siya ng sikat na makeup artist at malapit niyang kaibigan na si RB Chanco tungkol sa pagkain sa isang fast food chain nang naka-gown. Ngunit para sa kanya, wala umano dapat “basagan ng trip.” 

Nagpasalamat din si Kris sa mga crew ng fast food chain dahil sa kanilang mabuting pakikitungo sa kanila. 

“Sinira ni @rbchanco because sabi nya wala raw nag da-dine in naka gown and nagpapa picture lahat ng crew. I said walang basagan ng trip… I just want to say thank you to the service crew at McDo Silang for having been so gracious and opening up an area for us. 1st time Mel and I ever ate out so you can say it was our 1st date - we won’t forget you,” ani Kris. 

 

 
 
 
 
 
 
 
 
 
 
 
 
 
 
 

A post shared by KRIS AQUINO (@krisaquino)

 

Samantala, ipinaliwanag naman ni Kris kay Lolit Solis ang kanyang pagiging clingy kay Mel matapos magbigay ng komento ang beteranang kolumnista tungkol sa mga kumalat nilang larawan. 

“‘Yung pagka clingy ko, yes I am BUT also because as you’ve always known, super LAMPA ako. Nag worsen pa now that I’m less than 95 lbs- so parating kailangan may nakabantay especially kung naka-high heels ako. I miss you and I hope you are staying healthy,” sagot ni Kris. 

 

 

Sinagot naman ni Mel ang mga espekulasyon tungkol sa relasyon nila ni Kris gamit mismo ang Instagram account ni Kris.

“Bawal pala i-mention yung IG name ni pennyswise_not_so_wise I said in Bimb’s interview, I will spend the rest of my life with her, kaya yung paghihiwalay is not going to happen. I love her very much,” ani Mel.