• Home
  • Fresh Scoops
  • Naluha si Karen Bordador nang balikan ang kanyang naging karanasan sa kulungan noon.

PANOORIN: Karen Bordador, naging emosyonal nang balikan ang pagkakakulong noon

Naluha si Karen Bordador nang balikan ang kanyang naging karanasan sa kulungan noon.

BY
Pao Apostol

FRESH SCOOPS

11/05/2021 09:38 AM
PANOORIN: Karen Bordador, naging emosyonal nang balikan ang pagkakakulong noon

Hindi napigilan ng housemate na si Karen Bordador na maluha nang balikan ang kanyang pagkakakulong noon. 

 

 

Sa episode ng Pinoy Big Brother: Kumunity Season 10 nitong Miyerkoles, ika-3 ng Nobyembre, sumalang ang mga housemates sa isang task kung saan nagpanggap sila bilang mga “inmates.” 

Ito ay matapos ang mga naging paglabag sa mga house rules nila sa loob ng sa loob ng bahay ni Kuya.

READ: Karen Bordador becomes 12th celebrity housemate of 'Pinoy Big Brother: Kumunity Season 10'

Kaya naman, hindi napigilan ng ilang netizens na magtanong kung paano nakaya ni Karen ang limang taong pagkakakulong dahil sa mga drug-related cases na isinampa sa kanya.

Habang kausap si Kuya sa confession room, ibinahagi ni Karen kung ano ang naging epekto sa kanyang pamilya ang kanyang pagkakakulong.  

“I was hoping to make them proud. Tapos biglang damay-damay na po ‘yun. Iyong buong kapangalan mo, maaapektuhan,” ani Karen. 

 

 

“Pag nakulong ang isang tao, hindi lang katawan ang nakukulong. Bahala ka na kung isasabay mo ang utak mo at puso mo sa pagkakakulong mo,” aniya. 

“Pero, dahil gumigising ka pa, nakakakita ka pa ng ngumingiti, at nagdadasal ka, mari-realize mo na may maganda pa na darating,” dagdag pa niya. 

Panoorin ang video sa ibaba: 

Matatandaang nakulong si Karen noong taong 2016 matapos sampahan ng kasong possession and sale of illegal drugs kasama ang noo’y kanyang boyfriend na si Emilio Lim. 

Samantala, Hunyo naman nitong taon nang mapawalang-sala silang dalawa matapos hindi magtugma ang mga testimonya ng mga nakasaksi at ng CCTV footage na iprinesenta sa korte. 

Nitong Agosto, naglabas ng vlog si Karen kung saan ipinakilala niya ang kanyang sarili at ibinahagi ang kanyang mga naging karanasan.