• Home
  • Fresh Scoops
  • Natanong ng PUSH si Maja Salvador tungkol sa kanyang future plans kasama si Rambo Nuñez.

Maja Salvador, may plano na bang magpakasal?

Natanong ng PUSH si Maja Salvador tungkol sa kanyang future plans kasama si Rambo Nuñez.

Maja Salvador, may plano na bang magpakasal?-Leo Bukas
BY
Leo Bukas

Twitter: @leobukas

FRESH SCOOPS

11/29/2021 08:16 PM
Maja Salvador, may plano na bang magpakasal?
Photo credit: @iammajasalvador Instagram

Walang paliguy-ligoy na sinagot ni Maja Salvador ang tanong ng PUSH sa kanya kung may plano na ba sila ng boyfriend niyang si Rambo Nuñez na i-level-up ang kanilang relasyon. Maraming showbiz couple na rin kasi ang ikinasal nitong panahon ng pandemya at kung gugustuhin ay puwede na rin silang sumunod.

“Darating tayo diyan, Kuya Leo,” kaagad niyang sagot sa amin. “Simula naman nang magkabalikan kami ni Bo (tawag kay Rambo) hindi naman ako naging madamot. Hindi lang detalyado, pero alam n’yo kung ano ang mga naganap.

“Well nasa same page naman po kami. May mga napag-uusapan pero si God pa rin ang ano diyan… sa tamang panahon,” pahayag pa ng aktres sa face-to-face presscon na ginanap noong November 25.


Pabiro pang hirit ni Maja, “Inaantay ko lang ibigay ang door knob (malaking diamond ring) ni Manang Rhea. Pag ipinamana niya, aprub na aprub na. Ako na ang luluhod kay Rambo. Hahaha!”

Ang Rhea na tinutukoy ni Maja ay ang CEO ng Beautederm Corporation na si Rhea Tan na kumuha kay Maja para maging brand ambassador ng health boosters na Reiko at Kenzen. Nangako din ang businesswoman na papayag siyang mag-ninang sa kasal nina Maja at Rambo kapag natuloy na ito.

READ: Maja Salvador, nagpasalamat sa ABS-CBN

Sumunod na inusisa namin kay Maja ay ang kalagayan ng nanay niyang si Mommy Thelma na nagtatrabaho sa Canada. May balak ba siyang pauwiin ng bansa ang ina para makasama niya ngayong darating na Pasko at Bagong Taon?

Tugon ng aktres, “Bale nag-apply po ako ng Canadian visa kasi nag-expire na pero medyo matagal ngayon ang processing. Ang plano namin pumunta talaga sa Mama ko. Kasi ang nanay ko ayaw po mag-off, akala mo may 20 anak na pinapaaral.

“Sayang daw ang kikitain niya ngayong Pasko, so ang mga anak niya ang pupunta roon. Maghihintay po kami hanggang first week of December (ng Canadian visa) pero kung hindi kami mabigyan baka sa US kami magkita-kita.”

READ: Mga artistang may non-showbiz partners Part 1 | Pushpins

Samantala, ang pagtatayo ng Crown Artist Management ang isa sa nakitang paraan ni Maja para matulungan ang mga dati niyang kasamahan sa ABS-CBN na matinding naapektuhan ng pagkawala ng prangkisa ng network.

“Dahil sa mga nangyari, and para makatulong tayo, nabuo ang Crown. May mga nawalan ng trabaho sa ABS, and yung mga nawalan ng trabaho, nagsama-sama, nagsanib-puwersa.

“And yon, may magandang… kumbaga, minsan iisipin na lang po natin, na ang hirap ng pandemic pero may mga magagandang nangyari rin. So, yon, nagiging optimistic pa rin kami sa mga puwedeng mangyari,” lahad ni Maja.