• Home
  • Fresh Scoops
  • Aabot sa 35,000 pesos ang pinakamahal na ticket para sa concert ng Ex Battalion.

Netizens, umalma sa presyuhan ng concert tickets ng Ex Battalion na aabot sa 35,000 pesos

Aabot sa 35,000 pesos ang pinakamahal na ticket para sa concert ng Ex Battalion.

BY
Pao Apostol

FRESH SCOOPS

11/24/2021 06:21 PM
Netizens, umalma sa presyuhan ng concert tickets ng Ex Battalion na aabot sa 35,000 pesos
Photo credits to KTX.ph

Inalmahan ng maraming netizens ang presyo ng tickets para sa concert ng grupong Ex Battalion.

Nitong mga nakaraang linggo, naging usap-usapan ang digital concert ng Ex Battalion hindi dahil sa anumang kadahilanang may patungkol sa kanilang repetoire o mga kakantahin kundi dahil sa presyo ng kanilang concert tickets. 

Aabot sa tumatagingting na 35,000 ang pinakamahal na ticket para sa concert nila na  Evoluxion.


Ex Battalion makikipag-dinner date sa fans na manonood ng kanilang ‘Evoluxion’ online concert

Hirit ng ilang netizens, pang-international umano ang presyuhan ang ticket sa kanilang concert. 

Bagama’t 300 ang pinakamura, hindi umano makatarungan ang presyo para sa pinakamahal. 

“Kaloka ung P20k and P35k online concert ng Ex Batallion. Ung ticket ko for BTS $235 plus processing fee malapit na sa stage. KAPE!” saad ng isang netizen.

“Myghad yung presyo ng VIP ticket ng Ex Battalion mga nasa 20k-35k. At may manonood ba talaga niyan? For sure wala namang bibili ng VIP ticket kase kakaunti lang naman ang fans at mahal. Mas oks pa na mag solo nalang si Skusta Clee tutal naabot naman sa 100m views mga songs niya,” saad ng isang netizen.

Mas lalo namang ikinagalit naman ng netizens matapos malaman na ikinumpara ng producer na si RS Francisco ang Ex Battalion sa South Korean group na BTS.

Sa ulat ng PEP, sinabi ni RS na “kapantay” umano ng Ex Battalion ang BTS kung sa larangan ng hip hop ang pag-uusapan.

“Payag kayo yung ex battalion daw ‘kapantay ng BTS’ in hip hop?” saad ng isang netizen.

“Stop. Riding. On. BTS. FOR. CLOUT @ exbattalion,” sambit naman ng isa pang netizen.

Ngunit ano nga ba ang mayroon sa 35,000 pesos na ticket o Troop 7: Atin Ang Gabi (Limited Tickets).

Maliban sa online concert, magbibigay din ng greetings ang Ex Battalion sa Zoom, may “inside kwento,” at may signed poster pang kasama.

Mayroon ding exclusive access sa listening party na may kasamang pa-cocktails. Magaganap ang concert ng Ex Battalion sa December 11 sa Araneta Coliseum.