• Home
  • Fresh Scoops
  • Ibinahagi ni Karen Reyes ang sinapit kamakailan ng kanyang anak.

Karen Reyes may babala sa mga kapwa ina matapos ang sinapit ng anak

Ibinahagi ni Karen Reyes ang sinapit kamakailan ng kanyang anak.

BY
Pao Apostol

FRESH SCOOPS

11/11/2021 04:37 PM
Karen Reyes may babala sa mga kapwa ina matapos ang sinapit ng anak
Photo credit to @justmekarenreyes Instagram

Nagbigay ng babala si Karen Reyes sa mga kapwa niyang ina matapos maospital ang kanyang anak na si Lukas kamakailan. 

 

 

Sa isang Instagram post, ibinahagi ni Karen kung ano ang naging karanasan ng kanyang anak. 

Ani Karen, napansin niya na may mga singaw ang kanyang anak na umabot hanggang sa lalamunan. 

READ: Karen Reyes opens up about why she kept her motherhood a secret for almost three years

Pagbabahagi ni Karen, buong pag-aakala niya ay simpleng singaw lamang ito na mawawala din sa kalaunan kaya naman binigyan niya lamang ito ng gamot nang lagnatin na ang kanyang anak. 

“November 4, nung nilagnat si Lukas akala ko non sa pagod lang. November 5 lunchtime, kumakain pa siya at nakakadede. Nung hapon I noticed ang pamumula ng gums niya. So when I checked it up, nakakita ako ng mga singaw hanggang sa lalamunan. So ako na singawin sabi ko mawawala din. So I gave him paracetamol lang for the fever,” ani Karen. 

READ: Karen Reyes shares how she celebrated Mother’s Day: ‘This is my first Mother's Day in public’

Nang subukan niyang magpa-checkup online, niresetahan umano ang kanyang anak ng antibiotic ngunit nahirapan din siya sa pagpapagamot dito. 

“Nov 6 I’ve decided na ipa-teleconsult na siya so binigyan siya ng antibiotic. Ang hirap niya painumin dahil una, walang laman ang tiyan niya, pangalawa masakit ang bibig niya!” sambit ni Karen. 

Nang mapansin na nahihirapan na ang kanyang anak, agad siyang nagdesisyon na ipa-ospital ito ngunit kinailangan umano nilang mag-antay ng bente kwatro oras para sa resulta ng swab test. 

 

 

“So nung madaling araw iyak na siya ng iyak dahil hindi na nga siya makadede. So nagdecide na ako na ipaospital siya (the fact na ang hirap talaga magpa-ospital ngayon, dumagdag pa ang pasakit dahil before i-admit need mag-paswab para hindi na ma-isolate with other patients na may COVID symptoms so we have to wait for 24hrs para sa result ng RTPCR),” ani Karen. 

Dagdag pa niya: “Nov 7, nanghihina na siya. Iba na din ang itsura ng mukha niya, lumalamlam na ang mata niya. Dahil nga hindi makakain at makadede.”

 

Matapos lumabas ang resulta ng swab, agad nilang sinugod ang kanilang anak sa emergency room. 

“So lumabas ang result ng RTPCR, which is, Thank God, negative … dumeretso na kami ng ER. After few days, wala naman nakitang ibang infections aside from the SINGAW! Yes, naospital si Lukas ng dahil sa singaw. Dumagdag pa jan ang tonsilitis,” saad pa niya. 

Ani pa niya: “My gad. Ang laking pahirap para sa kanya ng mga singaw na ‘to.” 

Tingnan ang larawan sa ibaba: 

 

 

Agad namang nagbigay ng update si Karen tungkol sa kanyang anak ilang oras matapos niyang mag-post tungkol sa sitwasyon ng kanyang anak. 

“Until now mapula pa din ang gums niya pero nakakadede at nakakakain na siya paunti unti kahit may mga kaunting singaw pa sa dila. Pero nakaadmit pa din kami. Para makapag-antibiotic pa din,” saad niya. 

READ: Karen Reyes’ son turns one

“Sabi ng Doctor ang cause ng singaw is because mababa ang resistensya (so mga mommies, vitamins is REALLY A MUST tinigil ko kasi ang vits niya dahil iniluluwa nya lang ☹️) and because of too much sweet tapos konti ang water intake,” dagdag pa niya. 

 

Samantala, may paalala naman si Karen sa mga kapwa niyang ina at sinabing hindi dapat balewalain ang mga ganitong sitwasyon.

“Sa mga mommies out there, ‘wag nating balewalain ang mga mga singaw kahit isang maliit lang yan dahil pwede siya magspread sa bibig since it’s viral,” ani Karen. 

Si Lukas ay anak ni Karen sa partner niya na frontman ng Silent Sanctuary na si Sarkie Sarangay. May isa pa silang anak na nagngangalang Olivia.