• Home
  • Fresh Scoops
  • Spotted ang rumored boyfriend ni Nadine Lustre kasama ang aktres at pamilya nito sa Siargao.

Rumored BF ni Nadine Lustre, spotted kasama ang pamilya ng aktres

Spotted ang rumored boyfriend ni Nadine Lustre kasama ang aktres at pamilya nito sa Siargao.

BY
Leah Bueno

Twitter: @Push_Alerts

FRESH SCOOPS

11/10/2021 10:55 AM
Rumored BF ni Nadine Lustre, spotted kasama ang pamilya ng aktres
Photo credit to Ulysses Lustre Facebook

Spotted ang rumored boyfriend ni Nadine Lustre kasama ang aktres at pamilya nito sa Siargao.

Sa Facebook, nag-post ang ama ni Nadine ng ilang retrato mula sa kanilang bakasyon sa isla kasama si Christophe Bariou, ang French businessman na matagal nang nali-link sa kanyang anak.


Base sa kanyang posts, sa Maison Bukana Resort na umano ay pag-aari ni Christophe nag-stay ang pamilya Lustre habang nasa Siargao.

Lumipad sila papuntang Siargao upang ipagdiwang ang ika-28 na kaarawan ng aktres. 

Sa kanyang naging pagbati sa anak, sinabi ng ama ni Nadine: "You're a good daughter, sister, and friend. An inspiration, a nature advocate and pride to your fans. I wish for you to continue to grow, inspire, and shine. Happy Birthday."

Samantala, isang video din ang ibinahagi ng ama ni Nadine kung saan makikitang naglalaro sila ng isang French game kasama ang sinsabing nobyo ng aktres.

Agosto nitong taon nang unang lumabas ang balitang nag-uugnay kina Nadine at Christophe matapos silang mamataan na magkasama sa Siargao.

Sa ngayon ay hindi pa rin kinukumpirma ni Nadine ang kanilang relasyon, ngunit nito lamang Oktubre ay kumalat ang ilang larawan kung saan makikitang magkahawak kamay sila ni Christophe habang namamasyal.

READ: Nadine Lustre, rumored French boyfriend spotted na magka-holding hands

Bago ma-link kay Christophe ay naging karelasyon ni Nadine ang onscreen partner niyang si James Reid. Tumagal nang halos apat na taon ang kanilang relasyon bago nila inanunsyo ang kanilang hiwalayan Enero nitong nakaraang taon.

Sa nakaraang panayam kay Karen Davila, sinabi ni Nadine na maituturing niya bilang kanyang "great love" si James. 

“We learned a lot of things. We grew a lot. We were helping out each other. Hindi siya 'yung basta basta na pa-sweet lang. Marami akong natutunan sa relationship namin. A lot of me changed because of that, for the better of course. I opened up myself to a lot of new things. Great love talaga siya," aniya.

Nang matanong kung sa tingin niya ay makakahanap siya muli ng pag-ibig, sagot ng aktres: "We’ll see. I am sure naman. Kasi love naman, hindi lang naman iyan pang isang tao. Hindi lang siya for an intimate kind of love. It’s for everyone.”