• Home
  • Fresh Scoops
  • Big Winner na agad si Madam Inutz dahil binigyan ito ng house and lot ng kanyang manager.

PANOORIN: Madam Inutz, niregaluhan ng house and lot ng manager bago pumasok sa ‘Pinoy Big Brother’

Big Winner na agad si Madam Inutz dahil binigyan ito ng house and lot ng kanyang manager.

BY
Pao Apostol

FRESH SCOOPS

10/21/2021 07:14 PM
PANOORIN: Madam Inutz, niregaluhan ng house and lot ng manager bago pumasok sa ‘Pinoy Big Brother’
Screenshot from Wilbert Tolentino VLOGS YouTube channel

Kakapasok pa lamang niya sa reality show na Pinoy Big Brother, nakatanggap na agad ng pang grand winner na pa-premyo ang online seller at housemate na si Daisy Lopez o mas kilala bilang Madam Inutz. 

 

 
 
 
 
 
 
 
 
 
 
 
 
 
 
 

A post shared by DAISY LOPEZ (@daisyinutz)


 

Sa isang vlog, ibinahagi ng kanyang manager na si Wilbert Tolentino na ito ang kanyang regalo para sa “Mama-bentang live seller ng Cavite” upang ma-motivate umano ang celebrity housemate lalo pa’t nasa loob na ito ng bahay ni Kuya. 

Pagbabahagi ni Wilbert, dinala niya si Madam Inutz sa Bulacan — na ang buong pag-aakala ay pipirma lamang ng kontrata — upang ipakita ang nabili nitong bahay at lupa para sa kanya. 

Madam Inutz, Alyssa Valdez, KD Estrada among PBB celebrity housemates

Dahil sa pagkakasorpresa sa ginawa ni Wilbert, niyakap ni Madam Inutz ang kanyang manager at sinabing hindi siya makapaniwala na nakamit na niya ang kanyang pangarap. 

“Congratulations at pagbutihan mo ang pagpasok mo sa PBB (Pinoy Big Brother). Bigyan natin ng isang malupit na laban. Pag napanalo mo ‘yun, pangalawang balur mo na ‘yun!” mensahe ni Wilbert. 

Panoorin ang vlog sa ibaba: 

Samantala, magkasama din ang dalawa na nagpunta sa pirmahan ng kontrata para sa bahay nito.

Nais naman ayusin ni Wilbert ang biniling niyang bahay para kay Madam Inutz habang busy ito sa loob ng PBB house.