• Home
  • Fresh Scoops
  • Sinabi ni Ivana Alawi na handa siyang maubos ang kanyang pera para lang gumaling ang kanyang kapatid sa sakit nito.

PANOORIN: Ivana Alawi, inaming palaging umiiyak sa pinagdaanang sakit ng kapatid

Sinabi ni Ivana Alawi na handa siyang maubos ang kanyang pera para lang gumaling ang kanyang kapatid sa sakit nito.

BY
Pao Apostol

FRESH SCOOPS

10/18/2021 08:56 AM
PANOORIN: Ivana Alawi, inaming palaging umiiyak sa pinagdaanang sakit ng kapatid
Photo credit to @ivanaalawi Instagram

Para kay Ivana Alawi, handa siyang gawin lahat ng bagay para lamang gumaling ang kanyang kapatid na si Mona. 

 

 
 
 
 
 
 
 
 
 
 
 
 
 
 
 

A post shared by Ivana Alawi (@ivanaalawi)


 

Sa panayam ni Ivana sa talent manager na si Ogie Diaz, napag-usapang ang nakababatang kapatid ni Ivana na si Mona na patuloy na nakikipaglaban sa sakit na diabetes. 

Bagama’t bata pa si Mona, kinakailangan na nitong mag-inject na insulin para sa kanyang sakit at kung minsan pa, siya na rin ang nag-iinject sa kanyang sarili. 

READ: Ivana and Mona Alawi are giving us #SiblingGoals!

Ani Ivana, mismong ang kapatid na niya ang nagsasabi na huwag niyang pag-igihan ang pagpapagamot dito ngunit sinagot niya ito.

“Minsan nga sinasabi ni Mona, ‘Ate tama na. Ang mahal nito, ang mahal ng ganyan.’ Sabi ko, ‘Mona, kaya nga ako (nagtatrabaho) because I want to give you the best,’” ani Ivana. 

READ: Ivana Alawi celebrates sister Mona’s 17th birthday: ‘Happy birthday to my forever love’

Sambit pa nito: “Bakit pa ako nagtatrabaho kung hindi ko naman ibibigay sa pamilya ko,” saad pa nito. “That’s what inspires me. Mona, my mom, my brother, my sister,” aniya. 

Pag-amin ni Ivana, umiiyak na lang siya tuwing nakikita na nanghihina na ang kanyang kapatid. 

“Umiiyak na lang ako. Sabi ko ‘Mona, lumaban ka!’ Kasi minsan may mga time na pinanghihinaan siya ng loob, na parang puro sakit. Everyday, all she feels is pain,” aniya. 

Mayo nitong taon lamang, malungkot na ibinahagi ni Ivana na ang tunay na dahilan kung bakit hindi na lumalabas ang kanyang kapatid sa mga vlogs nito ay dahil sa pagkakaroon nito ng diabetic neuropathy. 

 

 
 
 
 
 
 
 
 
 
 
 
 
 
 
 

A post shared by Ivana Alawi (@ivanaalawi)

 

Gayunpaman, masaya si Ivana lalo pa’t may nakikita siyang pagbabago sa kanyang kapatid. 

Unti-unti na rin itong napapanood sa mga vlogs hindi lang ng kanyang mga tagahanga kundi pati ang mga tagahanga ng kanyang kapatid na si Ivana. 

Sa ngayon, patuloy naman na naghahanap si Ivana ng iba’t-ibang klase ng pagpapagamot upang masiguro na ang paggaling nito.