• Home
  • Fresh Scoops
  • Hindi daw nahirapan si Direk Easy Ferrer na kumbinsihin sina Jerome Ponce at Teejay Marquez na tanggapin ang kanilang mga roles sa BL series.

EXCLUSIVE: BL series nina Jerome Ponce at Teejay Marquez, nagsimula na ang shooting ayon kay Direk Easy Ferrer

Hindi daw nahirapan si Direk Easy Ferrer na kumbinsihin sina Jerome Ponce at Teejay Marquez na tanggapin ang kanilang mga roles sa BL series.

BY
Leo Bukas

Twitter: @leobukas

FRESH SCOOPS

09/03/2020 05:46 PM
EXCLUSIVE: BL series nina Jerome Ponce at Teejay Marquez, nagsimula na ang shooting ayon kay Direk Easy Ferrer

Sasabak na rin sa pagdidirek ng BL series ang Finding You director na si Easy Ferrer na nagsimula bilang magaling na assistant director sa mga ABS-CBN shows noon.

Easy will be directing Ben x Jim, ang kauna-unahang BL series ng Regal Enertainment kung saan siya rin ang sumulat ng script. Ang Ben x Jim ay pagbibidahan nina Jerome Ponce at Teejay Marquez.

“Back in April, nakakapanood na po ako ng mga Thai BL series online. I proposed to Ms. Roselle (Monteverde) na I think we can do something like this, and she agreed naman.


“Starting po nung ECQ, I have been writing the stories, until finally Ms. Roselle gave me a go signal to shoot when it’s okay na to shoot, para po walang restrictions.

“It has been a long time ago pa since I dreamt of telling a queer story. In fact, the first short film I did back in 2012 titled Aquarium was a queer film. Coincidentally, that’s where I got my title.

“The characters’ names on that 2012 short film is Ben and Jim. Since then, I have been planning to. And I think, what I needed was perfect timing. And now, the timing is here,” pahayag sa amin ni Direk Easy sa isang exclusive interview via Messenger nitong Lunes, August 31, kung bakit nagdesisyon na rin siyang gumawa ng BL series.

Ano ba ang magiging kaibahan ng Ben x Jim sa iba pang mga BL series na naglabasan ngayon?

Sagot ni Easy, “I think the biggest difference is the treatment. I wanted it sana to be cinematic, and charming pa rin. And it focuses not only on the love story but stories about personal dreams, unfulfilled hopes because of the pandemic, families, adulting issues, and pahapyaw na commentary on socio-political climate because it’s set in the pandemic. How everyone is affected by this.

“Also, it’s about love for one self. Sa technical naman, umiwas kami nang kaunti sa online conversations only frames para maiba naman sa mga naunang successful BL shows din dito sa Pilipinas. The characters here meet in person, since malapit houses nila sa isa’t isa.”

Hindi ba siya nahirapang kumbinsihin sina Jerome at Teejay to do the series?

“Actually, ever since I wrote this, I already have Teejay Marquez in mind. His team already knows this project as early as June. When I pitched this to him last July, go na go agad siya. I’ve worked with him in 2013 nung AD ako. And I know how good he is.

“Si Jerome naman, same thing. His team knows this project already. He’s good  naman agad when I pitched. Sobrang laki kasi ng tiwala ko kay Jerome Ponce as an actor, kasi he takes care of his craft. He’s my go to person for all the characters na nasusulat ko, kasi alam ko aalagaan niya,” rason pa niya.

Eh, ano ba ang dapat abangan ng netizens sa BL series na Ben x Jim?

“Dapat nilang abangan ang sandamakmak na kilig between Jim and Ben, lessons about love, truth, and how time is the most powerful force there is. Maraming kilig na scenes, marami ring painful scenes na madadala talaga ang audience,” pahayag niya. 

Ang Ben x Jim ay magkakaroon ng 7 episodes na tatagal ng 20-25 minutes each. Tapos nang mag-swab test ang lahat ng actors and production staff na involve sa paggawa nito and they are ready to shoot na ngayong unang linggo ng September.

Mapapanood ang BL series sa third week ng September sa Regal Entertainment Facebook page at sa kanilang YouTube channel.