McCoy de Leon sa naging relasyon kay Elisse Joson: ‘Malaking part siya ng buhay ko na hindi ko makakalimutan habang nabubuhay ako’

McCoy De Leon, mas mature na daw sa paghandle ng relasyon.

BY
Leo Bukas

Twitter: @leobukas

FRESH SCOOPS

09/01/2020 01:55 PM
McCoy de Leon sa naging relasyon kay Elisse Joson: ‘Malaking part siya ng buhay ko na hindi ko makakalimutan habang nabubuhay ako’
Photo Credit: @mccoydeleon Instagram

Pinag-usapan nang husto sa social media ang latest post ni McCoy de Leon sa kanyang Instagram account nitong Lunes, August 31, ng larawan nila ni Elisse Joson sa isang yacht habang hinahalikan niya sa noo ang dalaga. Maraming nag-assume na nagkabalikan ang dalawa pero wala pang pag-amin mula sa kanilang dalawa.

Sa huling interview namin kay McCoy ay inamin niyang nag-mature na siya ngayon sa paghandle ng isang relasyon nang hindi binabanggit kung ang tinutukoy ba niya dito ay ang tungkol sa kanilang pagbabalikan ni Elisse.

“Opo, mas mature na ako ngayon. Siyempre po mas dapat maging mature na ako lalo na sa ganitong edad ko. Dapat mas mature na akong mag-handle,” pahayag ni McCoy na 25 years old na.


“Siguro, masasabi kong mas alam ko na ngayon yung tama at mali. Tsaka maraming lessons na nabigay sa akin ang love na yon in a good way.

“Kasi dati ang tingin ko pag love parang time lang yan, ganyan. Na parang sayang lang yan sa time. Pangit pakinggan ha, kapag sinasabi mong sayang sa time, pero ngayon masasabi mong kapag binigyan mo rin ng time, mas magaan yung buhay mo.

“Parang mas nakakatulong din sa kung sino man yung nagpapasaya sa ‘yo at siyempre sa ‘yo din at sa tinatahak mo sa buhay lalo na kapag may problema ka, bukod siyempre sa family mo,” dagdag niyang paliwanag.

Natagalan naman sa pagsagot si McCoy nang tanungin kong anong masasabi niya sa naging journey niya sa relasyon nila ni Elisse.

“Hmm… anong masasabi ko sa journey namin? Malaking part siya ng buhay ko na hindi ko makakalimutan habang nabubuhay ako. Kasi siyempre, siya yung una ko talagang ipinagmalaki sa lahat at alam ko at masasabi ko na worth it naman siya,” lahad ng binata.

Kay McCoy din mismo nanggaling ang pahayag na, “Okay naman kami ngayon,” na patungkol sa status ng relasyon nila ni Elisse.

Matatandaan na isa sa sinasabing dahilan ng hiwalayan nila ni Elissse noon ay ang kasamahan niya sa Hashtags na si Jameson Blake. Okay rin naman daw sila ngayon.

“Kami ni Jameson, actually gumawa pa kami ng pelikula no’n, eh. Ano naman kami ni Jameson, parang casual lang. Hindi naman kami sobrang close, hindi rin naman sobrang malayo – sakto lang.

“Wala naman ding masamang nangyari sa amin awa ng Diyos,” matipid niyang pahayag.