• Home
  • Fresh Scoops
  • Ipinasilip ni Erich Gonzales ang bunga ng kanyang pagsusumikap.

‘Product ito ng hard work’: Erich Gonzales, ipinasilip ang naipundar na bahay sa unang pagkakataon

Ipinasilip ni Erich Gonzales ang bunga ng kanyang pagsusumikap.

BY
PUSH TEAM

Twitter: @Push_Alerts

FRESH SCOOPS

08/17/2020 10:55 PM
‘Product ito ng hard work’: Erich Gonzales, ipinasilip ang naipundar na bahay sa unang pagkakataon
Photo Credit: @erichgg Instagram

Malayo na nga ang narating ni Erich Gonzales mula nang nagsimula siya sa kanyang karera sa showbiz. At ngayon, na-eenjoy na ng Kapamilya star ang kanyang pinaghirapan ng ilang taon. 

Sa unang pagkakataon, ipinsilip ni Erich ang kanyang mga tagahanga sa kanyang simple ngunit eleganteng bahay. 

Sa kanyang YouTube vlog, ipinaliwanag ni Erich na kaya niya ito ginawa dahil isa ito sa mga most requested ng fans mula sa kanya.


Pinakita din ni Erich ang ilan sa paborito niyang spots sa bahay kabilang na ang kanyang lanai area kung saan siya tumambay kasama ang kanyang mga kaibigan. 

Muli ding inikot ni Erich ang kanyang mga fans sa kanyang garden kung saan may mga tanim siyang mga gulay at bulaklak.  

WATCH: Erich Gonzales takes her fans on a tour around her fruit and vegetable garden

Ayon kay Erich, dalawampu’t-dalawang taong gulang siya noong nabili niya ang lote na kaagad niyang pinatayuan ng bahay mula sa perang naipon niya. 

“Nabili ko ‘yung lote when I was 22 years old. And then nag-ipon tayo. And then nu’ng 2014, nag-start na ‘yung construction ng bahay natin. And then same year also, nakalipat na tayo dito. And long story short, six years old na ang bahay natin,” ani Erich. 

LOOK: Enchong Dee, Erich Gonzales enjoy bonding time

 

Ibinahagi naman ni Erich kung bakit doon niya napiling ipatayo ang nasabing bahay na aniya’y may  magandang tanawin. 

“I really fell in love with the view. Kung nakita niyo ‘yung view kanina du’n sa lanai area, I have the same view sa room ko. Imagine lang waking up to that everyday. Parang nice lang. I feel like I’m super close to nature kasi maririnig niyo ‘yung mga chirping ng birds. And then dito, makakita din kayo ng iba’t-ibang uri ng butterflies and caterpillars,” she said. 

Ayon kay Erich, ang kanyang naipatayong bahay ay bunga ng kanyang pagsusumikap. 

“Itong house na ‘to, product ito ng hard work natin and then ‘yung mga brands, mga products na nagtiwala sa atin.”

Panoorin ang kanyang house tour sa ibaba: 

Nagsimula ang karera ni Erich taong 2005 nang sumali siya sa reality competition na Star Circle Quest season 2. Pagkatapos ng maraming taon ay mas nakilala pa ang husay ni Erich sa pag-arte na una niyang ipinamalas sa seryeng Katorse.