• Home
  • Fresh Scoops
  • Marami ang napahanga kay Eric Fructuoso nang mag-post ito ng larawan na nakasakay sa traysikel.

Litrato ni Eric Fructuoso na nagmamaneho ng tricycle, nagsilbing inspirasyon sa marami

Marami ang napahanga kay Eric Fructuoso nang mag-post ito ng larawan na nakasakay sa traysikel.

BY
PUSH TEAM

FRESH SCOOPS

08/16/2020 01:36 PM
Litrato ni Eric Fructuoso na nagmamaneho ng tricycle, nagsilbing inspirasyon sa marami
Photo credit: eric.fuctuoso IG

Marami ang bumilib sa aktor na si Eric Fructuoso nang ibahagi nito ang isang larawan kung saan makikita siyang nakasakay sa isang traysikel.

Bagama’t inamin ni Eric na hindi siya namamasada, hinangaan naman ito ng mga netizens dahil sa caption nito na nagsilbing inspirasyon upang huwag ikahiya ang pagkakaroon ng marangal na hanapbuhay. 

Ani Eric sa kanyang caption sa Instagram: “Times like these hindi pwedeng kaartehan ang paiiralin! Basta ligal na pagkakakitaan para sa mga anak, tirahin lang ng tirahin!”


Si Eric ay kilala sa pagiging miyembro ng grupong “Gwapings” kasama sina Mark Anthony Fernandez, Jomari Yllana, at Jao Mapa. 

Kilala si Eric sa pagkakaroon ng relasyon sa iba’t-ibang sikat na artista gaya nina Ara Mina, Joyce Jimenez, at Aubrey Miles. 

Ngunit si Eric ay masaya nang namumuhay kasama ang kanyang non-showbiz wife at apat na anak sa kanya. May isa pa itong anak sa dati nitong asawa.

Sa mahigit tatlong dekada nito sa industriya, naging bahagi si Eric ng iba’t-ibang proyekto ng Kapamilya network sa pelikula at telebisyon gaya ng Nasaan Ka Elisa?, Dugong Buhay, Apoy sa Dagat, at FPJ’s Ang Probinsyano.

Huling namataan si Eric sa telebisyon nitong 2020 nang maging bahagi ito ng seryeng 24/7 na pinagbidahan ni Julia Montes.