• Home
  • Fresh Scoops
  • Viral ngayon ang ilang video ng aktor na si Daniel Padilla nang siya pa ang nagpaabot ng tulong sa driver na nakabangga sa kanyang sasakyan.

‘Sobrang bait’: Daniel Padilla, tinulungan ang tricycle driver na nakabangga sa kanyang kotse

Viral ngayon ang ilang video ng aktor na si Daniel Padilla nang siya pa ang nagpaabot ng tulong sa driver na nakabangga sa kanyang sasakyan.

BY
PUSH TEAM

FRESH SCOOPS

08/12/2020 09:50 PM
‘Sobrang bait’: Daniel Padilla, tinulungan ang tricycle driver na nakabangga sa kanyang kotse
Photo credit: @KDKNUpdatesPH twitter

Marami ang nagulat sa mga kumakalat na video at pictures ngayon ni Daniel Padilla, kung saan nabangga ng isang tricycle ang kanyang vintage sports car.

Pero hindi ito dahil sa seryoso ang aksidente o matindi ang sira sa kanyang sasakyan, kundi dahil si Daniel pa ang nag-abot ng tulong sa driver ng tricycle.

Sa pagbabahagi ng ilang netizen sa Facebook, nangyari ang insidente sa Fairview, Quezon City.


Sa post ng nagngangalang Jessica Devera, sinabi nito sa kanyang social media post na:

“Si Daniel na nabunggo siya pa nagbigay kay manong🥺 Bait talaga❤️❤️”

Sa post din ni Reynaldo Duron, sinabi nitong ang aktor pa ang nagbayad sa tricycle imbes na siya ang bayaran nito para sa danyos. 

“SOBRANG BAIT NI DANIEL PADILLA, SYA NA NABANGGA SYA PA NAGBAYAD SA TRICYCLE 😍😍”

Sa mga video makikita ang pagkapwesto ng mga sasakyan na nagsasabing nabangga nga sa bandang likuran ang kotse ng Kapamilya star. Makikita din na nakikipag-usap si Daniel sa driver ng tricycle.

Samantala sa Twitter ay nagpost ang ina ni Daniel na si Karla Estrada upang sabihin sa kanyang fans na ok naman ang kalagayan nito.

 

 

“Guys, okay si DJ. Kaunting gasgas lang sa sasakyan. At siyempre, everybody happy! No problem! Tuloy ang buhay!”