• Home
  • Fresh Scoops
  • Binisitang muli ng kanyang pamilya ang puntod ni Ramon Revilla Sr. matapos ang kanyang libing noong July 2.

Pamilya ni Ramon Revilla Sr., nag-alay ng panalangin sa kanyang libingan

Binisitang muli ng kanyang pamilya ang puntod ni Ramon Revilla Sr. matapos ang kanyang libing noong July 2.

BY
Jeff Fernando

Twitter: @showbizjeff

FRESH SCOOPS

07/05/2020 02:17 PM
Pamilya ni Ramon Revilla Sr., nag-alay ng panalangin sa kanyang libingan
Photo credit: Ramon Bong Revilla Jr. FB Page

Ilang araw matapos ilibing ang namayapang haligi ng pelikulang Pilipino na si Ramon Revilla Sr, sama-samang bumisita para mag-alay ng panalangin ang mga anak, apo at ilang miyembro ng pamilya ni Mang Ramon sa kanyang himlayan sa Cavite.

READ: Veteran actor and politician Ramon Revilla Sr., pumanaw na

Sa ibinahaging pictures ni Sen. Bong Revilla Jr. online, makikita ang kanilang pagsasama-sama sa musileo ng kanilang ama nitong Linggo, July 5.


“Kasama ang aking mga kapatid at kani-kanilang mga pamilya, dinalaw namin si Daddy sa kanyang puntod upang mag-alay ng panalangin at iparamdam sa kanya ang aming pagmamahal kahit wala na siya sa aming piling” post ni Bong sa kanyang official Facebook page.

June 26 pumanaw sa edad 93 anyos ang veteran actor at dating senador dahil sa komplikasyon ng kanyang sakit.

Samantala, noong July 2, araw ng libing, nagbahagi din ng pamamaalam na mensahe ang anak ni Bong na si Jolo Revilla para sa kanyang lolo. 

"Iniahon mo ang sarili't pamilya mula sa payak na buhay mong dinatnan. Sinikap mong paglingkuran ang bayan mula sa sining hanggang sa pamahalaan.

"Ngunit ang bida man ay kailangan ding mamahinga.

"Kaya't paalam muna, Daddy. Lagi ka sa aming gunita... hanggang sa ating muling pagkikita," sabi nito sa kanyang Instagram post.   

Hindi man madali, magkakasamang hinaharap ng mga naiwang kaanak ni Mang Ramon ang kanyang naging paglisan.