• Home
  • Fresh Scoops
  • Dahil sa mga nakanselang concert tour abroad at shows dito, maraming oras si Vice Ganda para sa kanyang Vice Ganda Network.

Vice Ganda, walang contingency plan kung mag-normalize na ang showbiz

Dahil sa mga nakanselang concert tour abroad at shows dito, maraming oras si Vice Ganda para sa kanyang Vice Ganda Network.

BY
Leo Bukas

Twitter: @leobukas

FRESH SCOOPS

07/29/2020 01:29 PM
Vice Ganda, walang contingency plan kung mag-normalize na ang showbiz
Photo Credit: @praybeytbenjamin Instagram

Walang inilahad na contingency plan si Vice Ganda kung sakaling mag-normalize na ang lahat at bumalik na sa dati ang entertainment industry na ngayon ay matinding naapektuhan ng COVID-19 pandemic. Ang option niya lang daw ngayon ay pagbuhusan ng panahon ang kanyang Vice Ganda Network dahil marami siyang available time.

“Pag nag-normalize na lahat, siyempre magkakaroon ng maraming adjustments and we will have to be ready for that. Eh, ngayon kasi, kaya ang dami kong time, kasi wala naman akong ginagawa,” simulang pahayag ng Phenomenal Box-office Star sa PUSH.

Nakansela rin ang dapat sana ay series of concerts niya sa ibang bansa.


“Hindi ako makakapag-concert abroad. Kasi originally, sa taon na ito meron akong schedule na series of concerts sa ibang bansa. Pero since wala na yon malaking tipak ng oras ang nabalik sa akin.

“Tapos hindi tayo masyadong busy ngayon. Pero pag naging busy na ulit, ano bang magiging pagkaka-busy-han – pelikula? Pero gagawa at gagawa tayo ng paraan kasi wala na rin naman akong ano, Showtime na lang naman ang ginagawa ko, so hindi namin gagawing madugo yung schedule para mapangatawanan namin ito.

“Kasi ito naman magagawa mo siya kahit nakaupo ka lang, kahit wala kang salwal, yung ganun. Walang masyadong kaganapan, yung technical na lang ang magtatrabahona nagagawa din naman nila sa mga bahay,” paliwanag ng actor-TV host.

When asked kung ano ba ang nakakapagpasaya sa kanya ngayong quarantine, ani Vice ay madami naman daw.

“Madami naman… madami. Si Ion (Perez), yung pamilya ko, yung Showtime, yung audience ko. Pero sa ngayon talaga ang makakapagpasaya sa akin na feeling ko sa ating lahat—peace… peace.

“Parang lahat tayo, yung kapayapaan natin nababahiran sa dami ng nangyayari sa paligid natin. Pero pag naramdaman natin yon, yung peace, ang laking saya non… malaking saya.

“Kaya pag may pagkakataon na hindi ako nagwo-worry yon yung mga panahong ang saya-saya ko,” lahad ni Vice.

Meron ba siyang maibibigay na quarantine beauty tips?

“Wag ka ng mag-make-up sa bahay kung wala ka namang gagawin. Yon ang pinaka-basic. Kung ang ka-zoom mo lang naman ay mga kaibigan mo huwag ka nang mag-make-up.

“Unang-una, makakatipid ka, hindi mauubos yung make-up mo. Pangalawa, yung skin ko nakakahinga. Kasi nung puwede nang lumabas na nagpunta na ako sa Showtime, maganda daw yung skin ko, healthy daw yung skin ko.

“Kasi nga tatlong buwan akong hindi nag-make-up, so bale nakahinga. So yon yung pinakamagandang beauty tip ngayong quarantine. Wa ka na make-up, hindi naman mahalaga  yan, ang mahalaga safe ka kahit wa ka emyas,” pagbabahagi pa ni Vice.