• Home
  • Fresh Scoops
  • Magsasama-sama ang ilan sa mga pinaka tanyag sa larangan ng OPM para mag-protesta sa araw ng SONA ni Pangulong Rodrigo Duterte.

OPM artists, tatapatan ang SONA ng isang awitin bilang kilos protesta

Magsasama-sama ang ilan sa mga pinaka tanyag sa larangan ng OPM para mag-protesta sa araw ng SONA ni Pangulong Rodrigo Duterte.

BY
PUSH TEAM

FRESH SCOOPS

07/26/2020 03:24 PM
OPM artists, tatapatan ang SONA ng isang awitin bilang kilos protesta
Photo credit: Rage PH FB Page

Magsasama-sama ang tatlumpu’t-limang Pinoy na mang-aawit para sa isang kanta na ilalabas kasabay ng State of the Nation Address (SONA) ni Pangulong Rodrigo Duterte sa darating na Lunes, Hulyo 27. 

Tatapatan umano nila ito ng isang awiting tumatalakay sa pasistang rehimen na nilabas ng bandang The Jerks noong taong 1997. 

Naglalayon raw silang i-protesta ang pagkakapasa ng anti-terrorism law, hindi pag-renew ng prangkisa ng ABS-CBN, mga bagay na may kaugnayan sa press freedom, at iba pang isyu sa gitna ng kinakaharap na pandemya. 


“Ito ang panahon ng pagkakaisa. Tayo ay haharap sa pinakamatinding hamon na susukat sa ating panindigan at katatagan,” saad ng The Jerks frontman na si Chickoy Pura sa isang Facebook post. Dagdag pa niya: “‘Wag manahimik, lumaban.”

Ilan sa mga OPM artists na lalahok sa nasabing protesta ay sina Raymund Marasigan, Buddy Zabala, Cooky Chua, at Bobby Balingit. 

Samantala, mapapanood ang nasabing video sa Facebook page ng Rage PH. 

Ang SONA na gaganapin bukas ay ang pang-limang SONA ni Rodrigo Duterte bilang Pangulo ng Pilipinas.