• Home
  • Fresh Scoops
  • Malaking adjustments ang ginawa ni Vice Ganda para makagawa ng kanyang digital channel.

Vice Ganda, inilahad ang mga challenge na hinaharap para sa Vice Ganda Network

Malaking adjustments ang ginawa ni Vice Ganda para makagawa ng kanyang digital channel.

BY
Leo Bukas

Twitter: @leobukas

FRESH SCOOPS

07/22/2020 01:18 PM
Vice Ganda, inilahad ang mga challenge na hinaharap para sa Vice Ganda Network
Photo Credit: viceganda.com.ph

Napakalaking challenge para kay Vice Ganda ang mag-put up ng isang digital channel na tinawag niyang Vice Ganda Network.

“Ang pinakamalaking challenge is we are in a pandemic right now. Ang hirap mag-produce ng content, ang hirap mag-shoot,” bulalas ni Vice.

“Ang hirap mag-work, kasi kailangan mong mag-produce ng content na nasa bahay lang kayo na magkakahiwalay kayo. Hindi tulad dati na nagkikita-kita kayo tapos brainstorm kayo. Ito ang hirap nung hindi kayo nagkikita-kita nang pisikal. Ang hirap nung sa Zoom lang kayo lagi. Ang hirap talagang mag-create ng content na naka-Zoom.


“Mas madali dati yung mode of creation or production kaysa ngayon. So yon ang nagpapahirap sa amin. Tapos maraming protocols na kailangang sundin, di ba, yon ang nagpapahirap,” patuloy niyang pahayag.

Dahil limitado ang kilos sa labas ng bahay kaya nakaisip si Vice na gawing studio ang ilang kuwarto ng kanyang bahay para doon na lang mag-shoot.

“Yung ibang kuwarto sa bahay ko ginawa na naming parang studio. Parang do’n magaganap yung streaming. Tapos yung isang townhouse ko don naman kami magsu-shoot ng parang sitcom.

“Hindi pa kami mag-a-out door for now kasi hindi rin safe at saka very limited pa yung mga galawan kasi ngayon, eh. Yung ibang staff ko naka-work from home lang din naman sila, so puro connection lang ng online ang ginagawa namin,” lahad pa niya.

Hindi ba siya natatakot sa pagkakaroon ng malaking responsibility dahil sa kanyang Vice Ganda Network?

Tugon ni Vice, “Yes, it’s a very big responsibility, pero ganun talaga, eh. Mas maganda na yung mabigyan ka ng malaking responsibilidad keysa sa wala kang responsibility at all, di ba?

“Hindi puwedeng ngumanga, eh. Hindi puwedeng palipasin ko yung oras na wala akong ginagawa. Kailangan kong mag-adjust at harapin ang challenge ngayong new normal at isa ang pagput-up ng ganitong digital network sa challenge na hinaharap ko.”

Eh, paano naman niya hinaharap ngayon ang challenge ng pandemya?

Ang hirap, kasi everyday we are all trying to be positive, to remain positive, but everyday we wake up with a new heartache. Everyday there’s a new heartache na parang hindi natatapos,” himutok ng Phenomenal Box-office Star.

“Pero we have to remain positive. We have to remain hopeful and faithful. Kailangan natin ng yakap at kapit at hindi puwedeng bibitaw. Precious siya, eh, hindi puwedeng basta na lang tayo bibigay ng ganun-ganun. Yung ganda nung buhay na nasimulan, yung sarap ng buhay na binigay sa atin, hindi puwedeng i-let go na lang natin ng ganun-ganun, na tapos na siya agad,” sambit pa ni Vice kasabay ng malalim na buntong-hininga.

Mapapanood ang iba’t ibang contents ng Vice Ganda Network sa www.viceganda.com.ph.