• Home
  • Fresh Scoops
  • Malaking hamon sa Kapamilya artists ang magbigay saya sa kabila ng pinagdaraanan ng ABS-CBN.

Vice Ganda, hindi napigilan ang emosyon sa ‘It's Showtime’: 'I couldn't fake it'

Malaking hamon sa Kapamilya artists ang magbigay saya sa kabila ng pinagdaraanan ng ABS-CBN.

BY
PUSH TEAM

FRESH SCOOPS

07/11/2020 05:01 PM
Vice Ganda, hindi napigilan ang emosyon sa ‘It's Showtime’: 'I couldn't fake it'

Hindi naitago ng Kapamilya TV host na si Vice Ganda ang kanyang damdamin sa naging hatol sa franchise renewal ng ABS-CBN.

Sa opening ng "It’s Showtime” nitong Sabado, July 11, bakas ang lungkot at pagkadismaya ng Unkabogable Star, na nag walk-out sa stage ng Kapamilya noontime show.

WATCH: Vice Ganda, panandaliang nag-exit sa Showtime stage sa gitna ng performance dahil sa bigat ng emosyon


Sa naging pag-alis niya ng stage, agad na nagpaliwanag si Vice sa pamamagitan ng isang Twitter post.

“Kailangan kong umexit sa point na yun para umiyak. I couldn’t fake it. Pero ok na 'ko after humagulgol,” post ni Vice nitong Sabado sa kaligtanaan ng programa.

Matatandaan na sa kalagitnaan ng paghihintay sa hatol ng kongreso sa franchise renewal ng ABS-CBN, kabilang ang mga host ng “It’s Showtime” sa mga nagpahayag ng kanilang damdamin at mabigyan pa sana ng pagkakataon ang ABS-CBN na ipagpatuloy ang serbisyo nito sa larangan ng entertainment at public service.

Sa panayam ng ABS-CBN News, inihayag ni Vice na hindi na ito para lamang sa laban ng ABS-CBN, kundi laban ng mga taga-subaybay ng network na umaasa sa libreng entertainment sa panahon ng pandemya.

“Ang ABS-CBN, ang serbisyong ibinigay niya ay naging malaking bahagi ng araw-araw na buhay ng mga Pilipino. Napakalaking bahagi,” sambit ni Vice sa panayam.

“Tungkol ito sa ating lahat. Hindi ito tungkol lang sa mga taga-ABS-CBN, sa mga artista. Tungkol ito sa ating lahat. Tungkol ito sa buhay natin,” pahayag ni Vice.

Sa kabila ng hinaharap na pagsubok, tuloy ang ABS-CBN sa pagbibigay ng balita, entertainment sa pamamagitan ng social media platform nito.