• Home
  • Fresh Scoops
  • Isa si Angeline Quinto sa mga gumagawa ngayon ng paraan para matulungan ang mga ilang kaibigan sa showbiz na nangangailangan.

Benefit on-line biritan, alay ni Angeline Quinto para sa mga stand-up comedian

Isa si Angeline Quinto sa mga gumagawa ngayon ng paraan para matulungan ang mga ilang kaibigan sa showbiz na nangangailangan.

BY
Kiko Escuadro

Twitter: @Simplengbinata

FRESH SCOOPS

04/12/2020 02:51 PM
Benefit on-line biritan, alay ni Angeline Quinto para sa mga stand-up comedian

Kasabay ng pagharap ng bansa sa krisis ng COVID-19, kanya-kanyang paraan ng pagtulong sa mga nangangailangan ang mga showbiz personality at kabilang na dito, ang singer na si Angeline Quinto.

Gamit ang kaniyang talento sa pag-awit, isang fundraising on-line concert ang laan ni Angeline para sa mga kaibigang stand up comedian ng Laffline at Punchline, na nangangailangan ng tulong pinansiyal dahil apektado ang kanilang kabuhayan ng enhanced community quarantine.

Sa social media, inilahad ng singer ang kaniyang hangarin na tulungan ang mga kasamahan na kailangan ngayon ng pantustos sa kanilang mga pangangailangan.


“BANDAMAYAN: Tuloy parin po ang pagtulong natin sa mga kasamahan natin sa industriya na nangangailangan ng pagdamay ngayong lockdown. Samahan nyo po ako sa BanDamayan para sa isang videoke jamming sa Facebook Live, (AngelineQuintoOfficial) ngayong Sunday, April 12, 5pm. Tara po magkantahan at makatulong sa mga kapwa ko musikero na simula po nag lockdown ay nawalan narin po ng pagkakakitaan - mga singers at banda na nawalan ng mga trabaho. 

"Isama na rin po natin ang tinutulungan ng kaibigan nating si MC Calaquian na empleyado po ng comedy bars na nawalan din ng source of income dahil sa walang nagaganap na mga shows. Marami po sa kanila ngayon ang kailangan ng ating tulong pantustos sa kanilang araw araw na pangangailangan,” post ni Angeline sa Instagram.

 
 
 
 
 
 
 
 
 
 
 
 
 

BANDAMAYAN❤️ Tuloy parin po ang pagtulong natin sa mga kasamahan natin sa industriya na nangangailangan ng pagdamay ngayong lockdown. Samahan nyo po ako sa BanDamayan para sa isang videoke jamming sa Facebook Live, (AngelineQuintoOfficial) ngayong Sunday, April 12, 5pm. Tara po magkantahan at makatulong sa mga kapwa ko musikero na simula po nag lockdown ay nawalan narin po ng pagkakakitaan - mga singers at banda na nawalan ng mga trabaho. Isama na rin po natin ang tinutulungan ng kaibigan nating si MC Calaquian na mga empleyado po ng comedy bars na nawalan din ng source of income dahil sa walang nagaganap na mga shows. Marami po sa kanila ngayon ang kailangan ng ating tulong pantustos sa kanilang araw araw na pangangailangan. Ang ating videoke jamming sa Easter Sunday ay gagawin po nating donation drive para sa kanila kaya naman sana ay samahan nyo po ako umpisa ng 5PM. Para sa mga gustong magbigay ng donasyon, maaari tayong mag deposit via: BDO Savings Account 005630214552 / GCash Number 09175254271 / BPI gamit ang QR code sa itaas. Ngayon pa lang po ay nagpapasalamat na po ako sa inyong lahat! 🙌🙏 Salamat po.🙌 @kreativden

A post shared by Angeline Quinto (@loveangelinequinto) on

Bukod kay Angeline ilang Kapamilya personalities na rin ang gumawa ng paraan para matulungan ang mga trabahador sa showbiz industry na apektado ng pinapatupad ng mas mahabang enhanced community quarantine.