• Home
  • Fresh Scoops
  • Domingo Cobarrubias, a brief retrospective on his career in theater and in showbiz

Domingo Cobarrubias, a brief retrospective on his career in theater and in showbiz

Sino si Domingo ‘Menggie’ Cobarrubias?

BY LEO BUKAS

Twitter: @leobukas

FRESH SCOOPS

3/27/2020 11:58 AM
Domingo Cobarrubias, a brief retrospective on his career in theater and in showbiz


Sino nga ba ang yumaong veteran actor na si Domingo Cobarrubias?

Ang beteranong aktor ay pumanaw nitong Huwebes ng umaga (March 26) due to pneumonia complications and suspected corona virus infection.

Si Domingo, 66, ay kilala rin ng kanyang mga kaibigan at colleagues sa entertainment industry bilang si Menggie.

Nagsimula ang kanyang career bilang theater actor taong 1974 sa The Heart of Emptiness is Black sa CCP Encyclopedia of Philippine Art. Nasundan pa ito ng iba’t ibang stage productions tulad ng Ang Bundok (1976); Pagbibinyag sa Apoy at Dugo (1975 at 1985); Dapithapon; Sakada (1975); Pitong Taon; The Boys in the Band (1977); Batibot (1980) at marami pang iba. Huli siyang naging bahagi ng stage play na Ang Dukesa ng Malfi taong 2013.

Nakalabas na rin si Menggie sa mahigit na 100 pelikula katulad ng Sakada (1976); Jaguar (1979); Angela Markado (1980); Sabado Nights (1996); Hiling (1997); Deathrow (2000) at marami pang iba.

Taong 1980 nang manalong Best Supporting Actor si Menggie sa Gawad Urian para sa pelikulang Jaguar. 2014 naman nang tanghalin siyang Best Actor ng QCinema International Film Festival para sa pelikulang Mauban: Ang Resiklo.

Ayon sa deskripsyon ni Direk Armand Reyes, isa sa malalapit na kaibigan ng pumanaw na aktor, palabiro si Menggie.

“Palabiro si Menggie. Sa shooting ng Hermano Pule at Moonlight Over Baler, na magkasunod niyang ginawa sa T-Rex, bumabangka siya lagi sa mga biruan. Very generous din yan sa akin.

“Kapag alam niyang walang-wala ako, at nagkita kami sa anumang showbiz function, meron siyang pakimkim,” paglalarawan niya sa kaibigang aktor.

Hindi rin daw isyu sa beteranong aktor ang talent fee at palagi rin daw itong available sa kahit na anong proyekto.

Huling napanood si Menggie sa telebisyon sa Kapamilya series na Make It with You nina Liza Soberano at Enrique Gil at sa iWant series na Bagman 2 na pinagbibidahan nina Arjo Atayde at Carlo Aquino.

Posible rin na huling pelikulang na niya ang ang Suarez: The Healing Priest na hindi pa naipapalabas. Ang pelikula ay pinagbibidahan ni John Arcilla at idinirek ni Joven Tan.