• Home
  • Fresh Scoops
  • Alex Gonzaga, itinangging “close” ang pamilya niya sa mga Marcos

Alex Gonzaga, itinangging “close” ang pamilya niya sa mga Marcos

Kilala at hindi close, ang paliwanag ni Alex Gonzaga tungkol sa relasyon ng kaniyang pamilya sa pamilya ng mga Marcos.

BY PUSH TEAM

FRESH SCOOPS

3/27/2020 1:08 PM
Alex Gonzaga, itinangging “close” ang pamilya niya sa mga Marcos


Sinagot ng comedienne-YouTuber na si Alex Gonzaga sa social media ang ilang mga paratang ng netizens tungkol sa kaniyang pamilya.

Mula sa nauna niyang tweet nitong Martes, March 24, na dasal ni Alex para sa mga lider at awtoridad na isantabi ang personal na interes, isang netizen ang nagsabing isama sa kaniyang dasal ang pamilya ng mga Marcos. Sinagot ng komedyante ang netizen at sinabing kilala lang at hindi "close" ang kaniyang pamilya sa mga Marcos.

 

 

Sa hiwalay pang serye ng tweets ni Alex, sinagot niya ang isang netizen na nagsabing walang kwenta ang mga pulitikong inendorso niya. "(For your information), wala po ako inenrdorso kundi tatay ko at isang partylist," sagot ni Alex.

Isang sagot din ang binigay ni Alex sa isang pahayag ng netizen na inendorso at suportado daw niya diumano si Bong Go, matapos lumabas ang poster ng ngayong-senador sa music video ng kanta niyang “Chambe.” "Guerilla shoot po tawag dun. Mabilisan. Nung shinoot ko yun sa munisipyo nakasabit na yun. I cannot remove it because mabilisan ang shoot and wala ako sa position to do so. We tried to cover it but in a certain shot we can’t. Ibang shot napalitan na namin," paliwanag niya.

Isa si Alex sa mga celebrities na nagpahatid ng tulong sa mga apektado ng virus outbreak. Nitong Lunes namahagi siya ng mga relief goods bilang tulong sa mga nangangailangan.

 

 

Kilala ang ama ni Alex na si Carlito 'Bonoy' Gonzaga bilang dating vice-mayor ng lungsod ng Taytay. Magkasama ang magkapatid na si Alex at Toni Gonzaga sa pag-endorso sa kanilang ama noong nakaraang halalan nang tumakbo ito bolang mayor, pero natalo ito sa kalabang kandidato na si Joric Gacula.