• Home
  • Fresh Scoops
  • Nagwagi ng higit sa 40 na parangal, kabilang ang Best TV Station, ang ABS-CBN sa nagdaang 18th Gawad Tanglaw.

ABS-CBN, hinirang bilang Best TV Station sa 18th Gawad Tanglaw

Nagwagi ng higit sa 40 na parangal, kabilang ang Best TV Station, ang ABS-CBN sa nagdaang 18th Gawad Tanglaw.

BY
ABS-CBN Corp. Comm.

FRESH SCOOPS

12/22/2020 08:37 AM
ABS-CBN, hinirang bilang Best TV Station sa 18th Gawad Tanglaw

Nagwagi ng higit sa 40 na parangal, kabilang ang Best TV Station, ang ABS-CBN sa nagdaang 18th Gawad Tanglaw para sa hinatid nitong serbisyo sa Pilipino sa pamamagitan ng balita, impormasyon, at libangan.

Nanguna para sa mga nanalo mula sa ABS-CBN ang pangulo at chief executive officer nito na si Carlo Katigbak, na pinarangalan ng Gawad Natatanging Filipino sa Pamamahalang Broadcast Media (Telebisyon at Radyo). Tumanggap din si Angel Locsin ng Gawad Tanglaw para sa Sining ng Sangkatauhan  habang Gawad Natatanging Kabataang Filipino para sa Sining at Kultura naman ang ibinigay sa kapwa niya Kapamilya star na si Enchong Dee.

Maraming nagawagi mula sa ABS-CBN Integrated News kabilang ang “TV Patrol” (kasama ang “TV Patrol Weekend”)  bilang Best News Program, "Heroes in the Hot Zone" (Best TV Documentary), “Beyond Politics” (Best Public Affairs Show), “Sports U” (Best Sports Program), at “Game Time” (Best Sports Program).  


Pinarangalan din si Christian Esguerra ng ANC bilang Best News Presenter at Jury Awardee for Excellence in Broadcasting for Television kasama ang dating anchor ng “Market Edge” and “The Boss” na si Cathy Yang at “Headstart” anchor na si Karen Davila.

Tumanggap naman ng Jury Award for Excellence in Philippine Media Reportage ang mga beteranong mamamahayag ng ABS-CBN News na sina Alvin Elchico, Doris Bigornia, at Jorge Cariño habang kapwa Best Sports Program host sina Dyan Castillejo (Sports U) at Migs Bustos (Game Time), at kapwa Best Talk Show Host naman si Martin Nievera (LSS: The Martin Nievera Show) at Boy Abunda (Tonight With Boy Abunda).

Panalo rin ang DZMM Radyo Patrol 630 na tinanghal na Best AM Station habang binigyan ng Gawad Dr. Debbie F. Dianco Para Sa Sining ng Komunikasyon  sina “Pasada sa TeleRadyo” anchor Peter Musngi at dating “Failon Ngayon” anchor Ted Failon.

Para naman sa entertainment, panalo ang "ASAP Natin 'To" bilang Best Variety Show, samantalang Best Drama Series ang "Pamilya Ko" at Best Drama Anthology ang “MMK.” Ginawaran rin si Irma Adlawan ng Best Actress in a Single Performance sa kanyang pagganap sa "Maalaala Mo Kaya," habang pare-parehong tinanghal na Best Actress in a Drama Series sina Maricel Soriano, Janice De Belen, Eula Valdez, at Angel Locsin para sa “The General’s Daughter.” Kinilala rin ang kanilang co-star na si Arjo Atayde bilang Best Actor in a Drama Series.  

Tatlong tropeo rin ang nakuha ng Metro Channel pagkatapos tanghaling Best Travel Show ang "Pia's Postcards," Best Travel Show Host si dating Miss Universe Pia Wurtzbach, at Jury Awardee for Excellence in Culinary Arts in Philippine Television ang “Casa Daza.” Wagi ring Best Lifestyle Show ang “Cityscape” ng ANC, habang Best Lifestyle Show Host si Marie Lozano. Ginawaran naman ng Jury Award for Culture and Arts in Philippine Television ang programang “Dayaw” sa ANC.

Binigyan din ng Gawad Parangal para sa Sining ng Edukasyong Pangtelebisyon at Kalikasan si Gina Lopez para sa kanyang mahalagang papel sa pagsagawa ng mga programa tulad ng "Hiraya Manawari," "Sineskwela," "MathTinik," "G Diaries," at maging ng Knowledge Channel.

Patuloy naman sa paghakot ng panalo ang "Hello, Love, Goodbye" ng Star Cinema dahil wagi ang mga bida nitong si Kathryn Bernardo at Alden Richards ng Jury Award for Film Acting, habang ang co-star nilang si Joross Gamboa ay hinirang na Best Supporting Actor. Ginawaran din ng Jury Award for Film Acting si Carlo Aquino para sa pelikula ng Black Sheep na "Isa Pa With Feelings."

Ang Gawad Tanglaw, o Gawad Tagapuring mga Akademisyan ng Aninong Gumagalaw, ay binubuo ng mga kritikong pampelikula, iskolar, mga mananalaysay, at iilang miyembro ng akademiya. Layunin nilang bigyang pagkilala ang mga natatanging programa at personalidad sa pelikula at telebisyon. Ipinalabas ng Gawad Tanglaw awarding ceremony noong Linggo (Disyembre 20) kanilang Facebook page (www.facebook.com/Gawad-Tanglaw).

Ang kumpletong listahan ng mga nanalo: 

Best TV Station 

ABS-CBN

Gawad Natatanging Filipino sa Pamamahalang Broadcast Media (Telebisyon at Radyo)

Carlo Katigbak, PRESIDENT AND CEO, ABS-CBN

Best News Program

TV Patrol

Best TV Documentary

Heroes in the Hot Zone

Best News Presenter

Christian Esguerra, Matters of Fact

Best Public Affairs

Beyond Politics

Jury Award for Excellence in Philippine Media Reportage

Doris Bigornia

Jury Award for Excellence in Philippine Media Reportage

Alvin Elchico

Jury Award for Excellence in Philippine Media Reportage

Jorge Carino

Best Sports Program Host

Dyan Castillejo

Best Sports Program Host

Migs Bustos

Best Sports Program

Game Time

Best Sports Program

Sports U

Best Lifestyle Show

Cityscape (ANC)

Best Travel Host

Marie Lozano

Jury Award for Culture and Arts in Philippine Television

Dayaw

Jury Award for Excellence in Broadcasting for Television

Cathy Yang (Market Edge, The Boss)

Jury Award for Excellence in Broadcasting for Television

Karen Davila (Headstart)

Jury Award for Excellence in Broadcasting for Television

Christian Esguerra (Matters of Fact)

Best Talk Show Host

Martin Nievera

Best AM Radio Station

DZMM

GAWAD DR. DEBBIE F. DIANCO PARA SA SINING NG KOMUNIKASYON

Peter Musngi

GAWAD DR. DEBBIE F. DIANCO PARA SA SINING NG KOMUNIKASYON

Ted Failon

Gawad Parangal para sa Sining ng Edukasyong Pangtelebisyon at Kalikasan

Gina Lopez (Sineskwela, Hiraya Manawari, Mathinik, G Diaries, Knowledge Channel)

Best Travel Show

Pia’s Postcards

Best Travel Show Host

Pia Wurtzbach

Jury Award for Excellence in Culinary Arts in Philippine Television

Casa Daza, (Metro Channel)

Jury Award for Film Acting

Kathryn Bernardo (Hello, Love, Goodbye)

Jury Award for Film Acting

Carlo Aquino (Isa Pa With Feelings)

Best Supporting Actor

Joross Gamboa (Hello, Love, Goodbye)

Gawad Natatanging Kabataang Filipino para sa Sining at Kultura

Enchong Dee (DLSU, ABS-CBN)

Gawad Tanglaw para sa Sining ng Sangkatauhan

Angel Locsin

Best Variety Show

ASAP Natin ‘To

Best Drama Anthology

MMK

Best Drama Series

Pamilya Ko

Best Actor in a Drama Series

Arjo Atayde (The General's Daughter)

Best Actress in a Drama Series

Maricel Soriano (The General's Daughter)

Best Actress in a Drama Series

Janice De Belen (The General's Daughter)

Best Actress in a Drama Series

Eula Valdez (The General's Daughter)

Best Actress in a Drama Series

Angel Locsin (The General's Daughter)

Best Actress in a Single Performance

Irma Adlawan (MMK)

Best Talk Show Host

Boy Abunda