• Home
  • Fresh Scoops
  • Pagkatapos nilang maghiwalay ni Andrea Torres, pinaghihinalaan namang bakla si Derek Ramsay.

Derek Ramsay, hindi tinitigilan ng mga basher pagkatapos ng breakup nila ni Andrea Torres

Pagkatapos nilang maghiwalay ni Andrea Torres, pinaghihinalaan namang bakla si Derek Ramsay.

BY
Leo Bukas

Twitter: @leobukas

FRESH SCOOPS

12/19/2020 08:33 PM
Derek Ramsay, hindi tinitigilan ng mga basher pagkatapos ng breakup nila ni Andrea Torres
Photo Credit: @andreaetorres on IG

May video clip ng house tour ni Derek Ramsay na ipinost ang kaibigan niyang si G3 San Diego. Makikita sa video kung gaano kalaki ang ipinagawang bahay ni Derek. 

 Meron itong elevator na sinadyang ipagawa ni Derek para sa kanyang parents. Pero pupuwede rin naman daw itong gamitin ng ibang nakatira sa bahay. 

Mapapanood din sa video clip na ginamit nina Derek at G3 ang elevator sa pagpunta nila sa garahe ng bahay kung saan naroroon ang mga mamahaling sasakyan ng aktor at ang paborito niyang red sportscar na Ferrari. Na-capture din sa video ang mga art collection na nasa bahay. 


Anyway, hindi pa rin maka-move-on ang ilang netizens sa breakup nina Derek at Andrea Torres kaya kung anu-anong tanong at komento ang natatanggap ni Derek sa kanyang Instagram account na ginawa na niyang private ngayon. 

Halimbawa, bakit daw hindi tumatagal ang kanyang relasyon sa isang babae? Sinagot ito ng aktor ng, “I’ll find the right one dear.” 

Sa tanong kung sa palagay ba niya ay hindi “the right one” si Andrea, sagot ni Derek, “No, she deserves better.” 

May reaksyon din ang aktor sa kantyaw ng netizens na dahil puro mga kaibigang lalaki ang kasama niya lately sa mga ay napagdududahan tuloy siya. Hindi raw kaya siya hiniwalayan ni Andrea ay dahil lalaki din ang gusto niya? 

“Tama!” reaksyon dito ni Derek na sinamahan pa ng emojis ng palakpak. 

Tinawanan lang naman ng mga kabibigan ni Derek ang komento na “Gay yata si Derek. For sure guys din ang gusto niyan di na lang kasi mag-out eh.” 

Maging ang pamangkin ni Derek ay pinag-inisipan din ng masama ng ilang netizen. Pinost ni Derek ang picture nila ng pamangkin at may agad nag-react na may naamoy daw siya na sinagot ni Derek ng, “That’s my nephew.” 

Samantala, ngayon ay naiintriga naman si Derek kay Pops Fernandez.