Dating aktor at anak ni Dolphy na si Edgar Quizon, pumanaw na

Sumakabilang buhay na ang anak ni Dolphy na si Edgar.

BY
PUSH TEAM

Twitter: @Push_Alerts

FRESH SCOOPS

12/16/2020 03:17 PM
Dating aktor at anak ni Dolphy na si Edgar Quizon, pumanaw na
Photo credit: @eric_quizon IG

Sumakabilang-buhay na ang dating aktor at anak ni Comedy King Dolphy na si Edgar Quizon.

Nitong Miyerkoles, Disyembre 16, kinumpirma ng kapatid ni Edgar na si Eric Quizon, ang pagpanaw ng kanyang kapatid sa isang Instagram post.

"Farewell, Kuya Edgar. May you find peace in heaven. Please hug Dad, Kuya Freddie, Kuya Rolly, and Dino for me,” saad ni Eric sa kanyang post.


Dagdag pa niya: "You will be missed. We love you. Rest in peace, my brother.”

Ayon naman sa panayam ng PEP sa 36-anyos na anak ni Edgar na si Egai, pneumonia umano ang ikinamatay ng kanyang ama.

Nakatakda umanong i-cremate ang mga labi ni Edgar sa St. Peter’s Chapel  sa Commonwealth Avenue, Quezon City.

Tingnan ang post ni Eric sa ibaba:

 

 
 
 
 
 
 
 
 
 
 
 
 
 
 
 

A post shared by Eric Quizon (@eric_quizon)

 

Si Edgar ay anak ni Dolphy kay Engracita Dominguez kung saan mayroon pa siyang limang anak. Ito ay sina Manuel, Salud, Rodolfo Jr., Wilfredo, at Raul.  

Si Edgar ay isa sa labingwalong anak ni Dolphy sa anim na naging ka-relasyon nito.

Ilan sa mga pelikulang ginawa ni Edgar ay “Dancing Master,” “Dolphy’s Angels,” “Good Morning Professor,” at “May Pulis, May Pulis sa Ilalim ng Tulay.”

Samantala, si Eric naman ay anak ni Dolphy kay Alice Smith.

Shop at LAZADA’s 12.12 After Party Sale

Taong 2012 nang pumanaw ang Comedy King na limang taong nakipaglaban sa sakit na chronic obstructive pulmonary disease bago tuluyang mamaalam.