• Home
  • Fresh Scoops
  • Ipinaliwanag ni John Arcilla na malaki ang ginagastos ng Kapamilya Network para sa pag-iingat sa taping na may striktong safety protocols.

John Arcilla, bilib sa ABS-CBN sa pagpapatuloy ng ‘FPJ’s Ang Probinsyano’ kahit lumalaki ang gastos dahil sa ‘new normal’

Ipinaliwanag ni John Arcilla na malaki ang ginagastos ng Kapamilya Network para sa pag-iingat sa taping na may striktong safety protocols.

BY
Leo Bukas

Twitter: @leobukas

FRESH SCOOPS

12/15/2020 10:43 AM
John Arcilla, bilib sa ABS-CBN sa pagpapatuloy ng ‘FPJ’s Ang Probinsyano’ kahit lumalaki ang gastos dahil sa ‘new normal’
Photo Credit: @johnarcilla Instagram

Matindi pa ring ipinatutupad ang mga safety protocols sa taping ng FPJ’s Ang Probinsyano sa panahon ngayon ng new normal ayon sa kuwento ni John Arcilla nang makausap namin siya sa intimate presscon ng Suarez: The Healing Priest na isa sa pelikulang kalahok sa 2020 Metro Manila Film Festival.

John is playing the role of Hipolito na isa sa main kontrabida ni Coco Martin sa longest running series ng ABS-CBN na Ang Probinsyano. Pero sa Suarez ay ginagampanan niya naman ang role ng healing priest na si Fr. Fernando Suarez.

“Alam mo yung new normal very strict ang ABS-CBN sa mga mga health protocols na sobrang positive para sa akin. Yung papasok ka at isa-swab ka, mag-stay ka muna sa hotel mo ng 24 hours to 48 hours then after you get the result bago ka palang mag-start ng taping mo ng two weeks,” simulang kuwento ni John.


 

 

Patuloy na kuwento ni John, “After two weeks e-exit ka, tapos swab ka ulit. Then you will stay in your hotel again and wait for another 48 hours to get the negative result and bago ka lang lalabas ulit.

“Pag nag-positive ka may choice ka if you’re going straight to your house or puwede kang tumuloy sa quarantine barracks ng ABS-CBN kasi hindi ka naman puwedeng umuwi sa pamilya mo kung positive ka. And during the shoot, ako sa experience ko, we can’t really get together or eat together.

“Hindi kami ini-encourage although may mga time na puwede kayong mag-gather pero hindi ka puwedeng mag-swimming sa hotel. Mga lamesa is one meter apart kaming mga artista. And we can only take out our face mask and face shield during the take na but during the rehearsals meron kaming face shield or ako minsan tinatanggal ko ang face mask ko para marinig ang salita ko.”

Nananatili rin daw nakasuot ng face mask at face shields ang staff at director ng Ang Probinsyano sa taping.

 

 

“All the staff, directors lahat sila naka-face mask and face shield. Magtatanggal lang sila kapag nandoon na sila sa kuwarto nila.  And marami kaming bantay sa amin na magre-remind na wear your mask every now and then.

“Kinukunan ka din ng temperature para malaman dahil pag nagkalagnat ka, definitely swab ulit yan at hindi ka pagtatrabahuin. And I really like it,” susog pa ni John.

Kung sakali naman daw na meron silang gustong ipabili sa Grab o sa Food Panda ay sinisigurado rin daw ng production team na hanggang labas lang ang magde-deliver at bago ipasok ng hotel ang pinabili ay dini-disinfect ito.

Kapag nakauwi na rin daw sila ng bahay mula sa taping ay dapat hindi rin mula lalabas ng bahay for 14 days para pagbalik ng taping ay negative ulit sa COVID-19 virus.

Wala namang ideya si John kung hanggang kailan pa magtatagal ang Ang Probinsyano.

“Hindi ko pa alam, wala pang plano (tapusin) si Coco (Martin),” sambit pa niya.

Bilib din si John na kahit sobrang gastos ng serye lalo na sa new normal set up ay ipinagpapatuloy pa rin ito ng ABS-CBN.

“Oo magastos talaga and in a way, I feel for the producers. Bilib ako sa perseverance at lakas ng loob ng ABS-CBN na talagang sumugal. Imagine, lahat ng artista (kasama na ang staff and crew) ipapa-swab mo in and out? Tapos naka-hotel? Ang laki ng gastos,” sey pa ng aktor.

“Isang malaking warehouse yung location namin na tina-transform into different offices. Itatayo mo na lang yung interior ng palasyo dito, yung laboratory dito, yung bahay o mansion dito,” dagdag ng aktor.

Samantala, hindi natuloy ang naka-schedule sanang pagbabakasyon ni John sa Amerika ngayong December dahil prayoridad niya ang promo ng Suarez: The Healing Priest.

“Puwede naman akong magbakasyon sa ibang araw. Pero may commitment ako sa producer at director ng Suarez kaya hindi muna ako umalis,” lahad ni John.

Shop at LAZADA’s 12.12 After Party Sale

Mapapanood ang Suarez: The Healing Priest simula Dec. 25 sa Upstream.ph. The film is directed by Joven Tan and produced by Saranggola Media Productions.