• Home
  • Fresh Scoops
  • Bibigyang buhay ni John Arcilla ang life story ni Father Fernando Suarez sa ‘Suarez: The Healing Priest’.

John Arcilla, suportado ang hakbang na ituloy ang MMFF sa gitna ng krisis

Bibigyang buhay ni John Arcilla ang life story ni Father Fernando Suarez sa ‘Suarez: The Healing Priest’.

BY
Kiko Escuadro

Twitter: @Simplengbinata

FRESH SCOOPS

12/12/2020 07:24 PM
John Arcilla, suportado ang hakbang na ituloy ang MMFF sa gitna ng krisis
Photo Credit: @johnarcilla on IG

Gagampanan ni John Arcilla ang role bilang ang healing priest na si Father Fernando Suarez sa 2020 Metro Manila Film Festival entry, Suarez: The Healing Priest

Kasama sina Allen Paule, Leo Martinez, at Jin Macapagal, kuwento ng matibay na pananamlataya ang handog ng direktor na si Joven Tan sa mga manonood ngayong darating na Kapaskuhan. 

Kuwento ng lead actor nito na si John, isang magandang balita na finally, mapapanood na ang proyekto ng pinaghirapan na originally intended para sa first summer film festival nitong 2020. 


 

 

Actually, ang laking bagay nito sa producers and sa artista. Kasi, simula nang magkaroon ng pandemic noong lockdown hindi natin alam ang mangyayari lalo na sa cinema kasi. Kailangan ng social distancing, so anong magiging venue, ano ang magiging platform ng ating cinema? Mayrong Netflix, pero parang hindi pa ganun ka ready ang majority ng ating audience so, nasa limbo ang buong industry,” tugon ni John sa panayam ng Cinema News. 

Patuloy niya, malaking hamon para sa mga film producers ang pag kansela ng nga pelikula na isa sa mga apektado ng pandemya sa pagsasara ng mga sinehan. 

So ang mga nakagawa na nang mga pelikula, siyempre naghahanap sila nang paraan kung paano mapapanood ang kanilang obra, ang kanilang pinagpaguran and siyempre ‘yung producers kung paano maibalik ang kanilang revenue,” sambit pa ni John. 

At ngayong kanselado pa rin ang maraming sinehan, new platform ang paraan ngayon ng MMFF para ipaabot ang mga pelikula sa mga manonood ngayong Pasko. 

Aniya, magandang hakbang ang naisip ng MMFF na ituloy ang taunang selebrasyon sa pamamagitan ng digital streaming, ang Upstream. 

Napakaganda kasi somehow, napakalaking chunk ng Filipino, global na rin pagdating sa upstreaming, HBO, Netflix and AppleTV so napakagandang bagay nito kasi mayroon na talagang following ang ganitong klaseng manonood streaming online. So for the first time, online ang Metro Manila Film Festival. Nakaka-excite and at the same time nakaka-worry kung paano tatanggapin ng ibang kababayan natin na hindi pa masyadong techie,” ani pa John. 

At sa hakbang na ito, isa aniya ang magiging masaya ang namayapang healing priest na isa noon sa mga sabik na maibahagi ang kaniyang buhay bilang inspirasyon sa mga Pilipino. 

All in all ang magiging masaya dito ay si Father Suarez. Kasi alam mo noong summer film festival, isasama na dapat namin ito e, hindi ko alam kung short film, pero sobrang pangarap niya na mapasama sa festival, sobrang pangarap niya ang manalo. I’m sure masayang masaya ngayon si Father Suarez, kasi pangarap na pangarap niya ‘to” pahayag pa ni John. 

Mapapanood ang Suarez: The Healing Priest sa December 25 sa pamamagitan ng digital streaming na Upstream na partner ng MMFF sa pagpapalabas ng mga pelikula ngayong new normal set up.