• Home
  • Fresh Scoops
  • Unti-unti nang ipinapakilala ang mga bagong housemate sa pagbubukas ng Pinoy Big Brother house.

KILALANIN:Apat sa mga bagong Housemate sa pagbubukas ng ‘Pinoy Big Brother’ house

Unti-unti nang ipinapakilala ang mga bagong housemate sa pagbubukas ng Pinoy Big Brother house.

BY
PUSH TEAM

FRESH SCOOPS

12/01/2020 07:08 PM
KILALANIN:Apat sa mga bagong Housemate sa pagbubukas ng ‘Pinoy Big Brother’ house

Sinimulan nang ipakilala ang ilan sa mga bagong housemate na aabangan sa muling pagbubukas ng tahanan ni kuya, ang Pinoy Big Brother: Connect.

Sa ulat ng TV Patrol nitong Lunes, November 30, ng gabi, nauna nang ipinakilala ang mahinhin at palangiting model at cheerleader na si Andrea Abaya.

 


 

Bago pa man magsimula ang PBB, isa nang TV commercial model ang 18 year old housemate na si Andrea at aktibo rin sa interaction sa kaniyang fans sa Tiktok at Kumu app.

Kasabay ni Andrea, ipinakilala na din ang outspoken, palaban, at opinionated na ikalawang housemate, si Justin Joseph Dizon, 22, mula San Fernando, Pampanga.

 

 

Si Justin ay graduate ng AB Communications at hilig makipag-debate. Dahil sa kaniyang pagiging opinionated, minsan nang naging puntirya ng bashers sa social media si Justin.

Samantala, sa It’s Showtime naman nitong Martes, December 1, ng tanghali, ipinakilala naman ang Fangirl at Charmer na tiyak na aabangan sa loob ng Bahay ni Kuya.

Sila ay sina Jie-Ann Armero ang tinaguriang "Ang Kwelang Fangirl ng Saranggani” at si Kobie Brown ang “Ang Charmer Striker ng Parañaque.”

 

 

Si Jie-Ann, 16, ay aminadong isang solid Kapamilya fan. Aniya, pinakapaborito niyang tambalan sina Kathryn Bernardo at Daniel Padilla.

 

 

Mula naman sa Manchester, UK si Kobie, 17, pero naninirahan ngayon sa Parañaque. Aminado si Kobie na miss na niya ang kanyang pamilya at hiling niya ang panalangin nito para sa kanya.

Sina Andrea, Justin, Jie-Ann, at Kobie ay ang unang apat sa labing-apat na mga housemate ni kuya na nakatakdang magsama-sama sa loob ng Big Brother house simula ngayong Linggo, Disyembre 6.

Pero bago ang kanilang pagpasok sa bahay ni Kuya, ang ilang hamon na ang nakatakdang ipagawa sa apat na housemate na mapapanood sa Kumu sa darating na December 5.