Dahil sa TikTok, naiba daw ang pagtingin ng mga tao kay Gardo Versoza.

Nabansagan na bilang komedyante si Gardo Versoza.

BY
Leo Bukas

Twitter: @leobukas

FRESH SCOOPS

11/06/2020 06:59 PM
Dahil sa TikTok, naiba daw ang pagtingin ng mga tao kay Gardo Versoza.
Photo credit to @gardo_versoza on Instagram

Dahil sa pagti-Tiktok ay naiba ang tingin ng tao kay Gardo Versoza. Kung noon ay itinuturing siyang serious actor, ngayon ay komedyante na raw ang tingin sa kanya dahil sa mga videos niya sa Tiktok.

“Sa totoo lang, hindi ko inakala na magiging… like minsan nababasa ko ang nakalagay comedian, so nakakataba ng puso, comedian na pala ako. Pero pag off cam yon naman talaga ako. Kumbaga, ayoko kasi nung malungkot, masyadong seryoso.

 


 
 
 
 
 
 
 
 
 
 
 
 
 

here we go 😂😂😂 i love you wifey 😂👍🧁🙏❤️🥰 #goodvibes #takongNiCupcake

A post shared by gardo versoza ( CUPCAKE ) (@gardo_versoza) on

 

“Nagkakataon lang kasi na parang maangas yung binibigay na role sa akin na malayo sa totoo kong personality,” reaksyon ni Gardo.

Ibinahagi rin ng aktor na huling napanood sa teleseryeng FPJ’s Ang Probinsyano bago nagsara ang ABS-CBN na marami rin siyang bashers sa Tiktok.

READ: Gardo Versoza, walang awat sa pagbibigay-aliw sa TikTok

“Oo, marami rin,” pag-amin niya. Kahit saan naman yata, eh. May mga nagsasabi na, ‘Ang sabi ko na nga ba, eh, bakla yan at hindi lang nag-a-out dati, pero ngayon out na siya.’ Isa yon don sa mga natatanggap ko.

“And then, minsan sinasabi na, ‘Tingnan n’yo mas mukha pa siyang babae do’n sa asawa niya.’ So, yung mga ganung bashing, eh, hindi naman natin maiiwasan yon. Basta kaming mag-asawa hangad lang namin ay makapag-share ng konting saya lalo na ngayong pandemya. Yung mga namba-bash wala lang magawa yon,” lahad pa niya.

 

 

Hindi na rin daw pa-picture ang request sa kanya ng ibang fans tuwing makikita siya nang personal kung hindi pa-Tiktok na.

“Ngayon iba na yung sinasabi nila, eh. Hindi na, ‘Puwede pong pa-picture,’ ang sinasabi nila ngayon, ‘Puwede pong pa-Tiktok?’ Ganun na, eh, gusto na nila yung Tiktok kesa sa pa-picture,” natatawang kuwento ng aktor.

Excited si Gardo na after ng Tiktok nila ni Daniel Padilla na kasama niya sa The House Arrest of Us ay meron ulit siyang aktor na makakasama.

Kuwento ni Gardo, “Abangan nila yung pag-Tiktok namin ni Gabby Concepcion. Yung Tiktok hopefully ngayong November. Naudlot kasi yung una naming Tiktok, eh. Nahirapan ako sa pag-convince. Eh, ngayon sabi niya sa akin nakapag-practice na siya.

 

 
 
 
 
 
 
 
 
 
 
 
 
 

#thehousearrestofus #bagongrecruitNiCupcake #goodvibes #staypositive #makesomebodysmile 🧁❤️🥰

A post shared by gardo versoza ( CUPCAKE ) (@gardo_versoza) on

 

Si Ivy Vicencio na asawa ni Gardo ang stylist ng aktor sa kanyang mga Tiktok.

“Si kumander ang bahala kung ano ang isusuot ko. Eh, siyempre di ba, happy wife, happy life, so wala akong magawa kung hindi ang sumunod,” sabay tawa niya.

“Dala-dala ko rin palagi yung costumes kong pan-Tiktok pati high heels ko,” huling hirit ni Gardo.