• Home
  • Fresh Scoops
  • Narito ang pasilip sa naipundar na bahay ng Beks Battalion na ‘BB house.’

PANOORIN: Beks Battalion, ipinasilip ang naipundar na bahay

Narito ang pasilip sa naipundar na bahay ng Beks Battalion na ‘BB house.’

BY
PUSH TEAM

FRESH SCOOPS

11/05/2020 01:11 PM
PANOORIN: Beks Battalion, ipinasilip ang naipundar na bahay
Screenshot from BEKS BATTALION YouTube Channel

Ipinasilip sa unang pagkakataon ng Beks Battalion na binubuo ng mga komedyanteng sina MC, Lassy, at Chad Kinis ang kanilang kakapagawa na lang na bagong BB house. 

Nitong Lunes, opisyal nang ipinakita ng tatlong magkakaibigan ang kanilang mas modernong bahay. 

READ: Epekto ng COVID-19 quarantine sa mga stand-up comedian, ibinahagi ni MC at Lassy


Mula sa sala, kusina, at silid-tulugan, kitang-kita kung gaano kalaki ang pagbabago sa buhay ng magkakaibigan na ngayon ay nakatira na sa mas magandang tahanan. 

Masaya namang ibinahagi ng magkakaibigan kung paano nila naisakatuparan ang kanilang pinapangarap na bahay. Kaya naman lubos ang pasasalamat ng tatlong magkakaibigan sa kanilang mga ka-BBs o mga fans na anila ay siyang dahilan ng kanilang tinatamasang tagumpay. 

READ: Chad Kinis: ‘If sasabihin na I’m gonna be the next Vice Ganda napakakapal naman po ng mukha ko’

Excited naman ang magkakaibigan na ipakita ang kanilang House 2 kung saan gagawa sila ng hallway na paglalagyan ng kanilang mga litrato na magsisilbi umanong alaala sa kanilang pinagdaanan bago nakamit ang kung ano ang mayroon sila ngayon. 

“Ito po ‘yung House 1. So aantayin na lang po natin matapos ang House 2 kung saan nandu’n si Kuya MC para magiba na ‘yung hallway. Nandu’n kasi ‘yung gagawin naming Beks Battalion Wall,” ani Chad. 

Dagdag naman ni MC: “Yes, kung saan lahat ng pictures natin, achievements natin … du’n natin ilalagay. So tuwing naglalakad tayo, naaalala natin kung saan tayo nagsimula at kung nasaan na tayo ngayon.” 

Panoorin ang vlog nila sa ibaba: 

Sina MC Calaquian at Lassy Marquez ay dalawa sa malalapit na komedyanteng kaibigan ni Vice Ganda. Napasama sila sa iba’t-ibang pelikula ng Unkabogable Star gaya ng Beauty and the Bestie, The Super Parental Guardians, Gandarrapiddo: The Revenger Squad, Fantastica, at The Mall, The Merrier.

Samantala, nakilala naman si Chad Kinis sa It’s Showtime kung saan sumali siya sa segment na “MIss Q&A.” 

Sa kasalukuyan, mayroon nang halos 800,000 na subscribers ang Beks Battalion sa YouTube.