• Home
  • Fresh Scoops
  • Namigay ng mga pagkain at kumot si Bea Alonzo sa opisina ng Bise Presidente sa pamamagitan ng kanyang itinatag na I Am Hope Foundation.

Leni Robredo, pinasalamatan si Bea Alonzo para sa tulong ng I Am Hope Foundation

Namigay ng mga pagkain at kumot si Bea Alonzo sa opisina ng Bise Presidente sa pamamagitan ng kanyang itinatag na I Am Hope Foundation.

BY
PUSH TEAM

Twitter: @Push_Alerts

FRESH SCOOPS

11/16/2020 05:23 PM
Leni Robredo, pinasalamatan si Bea Alonzo para sa tulong ng I Am Hope Foundation
Photo credit: VP Leni Robredo Facebook page, @beaalonzo IG

Lubos ang pasasalamat ni Bise Presidente Leni Robredro kay Bea Alonzo na naghatid ng tulong sa kanyang opisina sa pamamagitan ng inilunsad na I Am Hope Foundation ng Kapamilya star.

 

 
 
 
 
 
 
 
 
 
 
 
 
 
 
 

A post shared by I am HOPE (@iamhope_org)


 

Sa isang Facebook post, ibinahagi ng Ikalawang Pangulo Ng Pilipinas ang litrato ni Bea kasama ang I Am Hope co-founder nito na si Rina Navarro.

Bea Alonzo gives aid to typhoon victims in Marikina, Cainta​

Dito, makikita ang mga ipinamigay nina Bea at ng kanyang mga kasamahan na donasyon na naglalamang ng mga pagkain at kumot para sa mga nasalanta ng nagdaang bagyo.

“Lubos ang ating pasasalamat sa patuloy na pakikiisa ng I Am Hope Organization, na pinangungunahan nina Rina Navarro at ng aktres na si Bea Alonzo, sa ating mga inisiyatibo! Nagbigay sila ng tig-15 cases ng canned tuna, gatas, at kape; 15 boxes ng noodles; 25 cases ng shampoo; at 300 na piraso ng kumot,” ani Leni.

Bea Alonzo, Pooh, tuloy-tuloy ang pamimigay ng donasyon para sa frontliners​

Ilan sa mga nakatanggap ng donasyon ng I Am Hope Foundation nina Bea at Rina ang Francisco P. Felix Elementary School na kamakailan lang ay binisita ng Bise Presidente.

“Kabilang rin sa kanilang ipinaabot na tulong ang 200 hot meals at milk tea na ipinamahagi natin sa evacuees noong dumalaw si VP Leni sa Francisco P. Felix Elementary School sa Cainta, Rizal nitong linggo,” aniya.

Tingnan ang post ni Leni Robredo sa ibaba:

 

[A] Lubos ang ating pasasalamat sa patuloy na pakikiisa ng I Am Hope Organization, na pinangungunahan nina Rina Navarro...

Posted by VP Leni Robredo on Sunday, November 15, 2020

 

Itinatag nina Bea at Rina ang I Am Hope Foundation noong nagsimula ang lockdown sa Pilipinas upang matulungan ang iba’t-ibang kababayan sa Kalakhang Maynila sa pamamagitan ng relief goods pati na mga PPEs para sa mga frontliners.

Bea Alonzo donates relief goods to jeepney drivers amid COVID-19 health crisis​

Kamakailan lang ay nakipagtulungan si Bea sa Netflix Philippines upang mamahagi ng mga laptops sa mga bata na nakatira sa SOS Children’s Village bilang bahagi ng kanilang E-dukasyon program.

Patuloy umanong tumatanggap ang opisina ng Bise Presidente para sa mga nagnanais na magpaabot ng tulong.