• Home
  • Fresh Scoops
  • Ibinahagi din ni Maja kung saan napupunta ang pera na nakukuha niya mula sa pagbebenta ng mga gamit na ibinigay sa kanya ng mga naging ex-boyfriend niya.

‘Binebenta ko’: Maja Salvador, ipinaliwanag kung bakit ibenebenta ang regalo ng kanyang mga ex-boyfriend

Ibinahagi din ni Maja kung saan napupunta ang pera na nakukuha niya mula sa pagbebenta ng mga gamit na ibinigay sa kanya ng mga naging ex-boyfriend niya.

BY
PUSH TEAM

Twitter: @Push_Alerts

FRESH SCOOPS

10/11/2020 08:11 PM
‘Binebenta ko’: Maja Salvador, ipinaliwanag kung bakit ibenebenta ang regalo ng kanyang mga ex-boyfriend
Photo credit: @iammajasalvador on Instagram

Binenta ko.” 

Ito ang ibinunyag ni Maja Salvador nang tanungin ni Robi Domingo tungkol sa desktop computer na ibinigay sa kanya ni Rambo Nuñez nang maghiwalay sila noon. 

 


 
 
 
 
 
 
 
 
 
 
 
 
 

My Dearest @rambonunez Thank you for making my birthday special. ILY❤️

A post shared by MAJA (@iammajasalvador) on

 

Sa bagong episode ng “Star Lounge” ng Star Magic, ibinahagi ni Rambo Nuñez na kung bakit niya niregaluhan noon ang girlfriend na si Maja Salvador ng isang desktop computer. 

I think may table siya na iniisip niya kung ano ang ilalagay. Parang it was supposed to be either a study table or parang kung saan siya magbabasa, mag-aayos. So it was an empty table kaya ko naisip na ‘yun ‘yung ilagay du’n,” pagbabahagi ni Rambo. 

Read: Maja Salvador on BF Rambo Nunez: ‘Best plot twist of 2019’

Dagdag pa ni Rambo: “Tsaka bumili kasi ako ng laptop nu’n. So parang sabi ko, twinning kami.” 

Inamin naman ni Maja na binenta niya ang nasabing computer nang maghiwalay sila noon ni Rambo. 

Paliwanag ni Maja, kadalasan niyang ibenebenta ang mga ibinibigay sa kanya ng kanyang mga nagiging ex-boyfriend dahil ayaw niyang balikan ang mga alaala na mayroon siya sa kanila. 

Alam mo, lahat ng mga regalo ng ex ko, binebenta ko. Walang natitira sa akin kasi ayoko ng memories,” ani Maja. 

Depensa naman ni Maja, napupunta ang mga pinagbebentahan niya sa mga charitable organizations. 

Read: Maja Salvador celebrates her 32nd birthday in Amanpulo, Palawan

Pero nagiging charity naman,” aniya. Biro pa niya: “‘Yung iba du’n, ‘yun ‘yung pang-travel ko.”

Samantala, inamin naman ni Maja na higit sa mga materyal na bagay, nagustuhan niya si Rambo dahil sa pagiging sweet nito. 

Hindi naman because of material things. In fairness naman dito, ‘yung may gift na, may mahabang message pa. Nakikita niyo naman ‘yung mga caption niya sa mga Instagram posts niya, ‘di ba? Pero in real life, mas mahahaba pa ‘yun. Pa-MMK na,” aniya. 

 

 

Pagpapatuloy niya: “’Pag galit, five pages. Pinayuhan ko pa ‘yan. Sabi ko, ‘pag galit ka tapos mahaba ‘yung message mo, okay lang mahaba pero i-Tagalog mo. Kasi pag-English, tatamarin akong basahin.”

Panoorin ang video sa ibaba: 

Bagama’t hindi sila nag-usap noong mga panahong hiwalay sila, aminado naman sina Maja at Rambo na hindi nawala ang communication nila sa kani-kaniyang pamilya. 

Read: ‘I hope may apo ako soon’: Maja Salvador’s mom, various celebs greet her on her birthday

Nagkabalikan sina Rambo at Maja noong 2019.