• Home
  • Fresh Scoops
  • Marian Rivera, tuloy sa pamimigay ng sariling gatas sa mga batang nangangailangan

Marian Rivera, tuloy sa pamimigay ng sariling gatas sa mga batang nangangailangan

Isa ngayong advocate si Marian Rivera ng breastfeeding moms sa Pilipinas.

BY KIKO ESCUADRO

Twitter: @Simplengbinata

FRESH SCOOPS

9/27/2019 1:06 PM
Marian Rivera, tuloy sa pamimigay ng sariling gatas sa mga batang nangangailangan


Photo credit: @marianrivera IG

Muling humarap sa entertainment press ang aktres na si Marian Rivera bilang bahagi ng isang adbokasiya para sa mga nanay na katulad niya.

At bilang bagong panganak, masaya rin si Marian na isa siya sa mga nanay na nagbibigay ng sariling gatas para sa kanyang anak na si Baby Ziggy na anim na buwan na ngayon.

READ: Marian Rivera, ibinahagi ang priceless moments kina Zia at Ziggy

“Tuloy lang tayo sa pag breastfeed, hanggang meron breastfeed tayo,” sabi pa ni Marian sa press.

Dito, isa rin sa napag usapan ang naging pagdo-donate niya ng sariling gatas para sa mga batang nangangailan.

“Actually ayaw ko na pag-usapan na nag-donate ako kasi ginawa ko naman ‘yan ng buong puso, gusto kong makatulong,” ani Marian.

Aniya, dahil sa sobrang biyaya ng gatas niya ngayon, naisip niya na ibahagi ito sa mga pitong bagong silang na bata na kailangan ng gatas ng isang ina.

“First time kasi kay Zia noon, hindi ganun ka OA ka dami, pero kay Ziggy super. Biyaya!”

“Basta isa lang ang hiling ko, pag nakuha na ‘yung milk i-send sa akin kung maayos na ang bata, so sa lahat ng ‘yun maayos na sila kaya okay na ako.”

Dito, nagbigay tips rin si Marian sa mga nanay na gusto rin dumami ang kanilang gatas.

“Well malunggay talaga, kasi buntis palang ako, nagmamalunggay na ako and maganda niyan, sa Probinsya kasi sa Cavite, may puno kami ng malunggay so every week na pumupunta sa akin si Mama and Nanay, may dala talaga silang fresh na malungay ‘yun malunggay and water,” pagbabahagi pa ni Marian.

At kasabay ng kanyang tungkulin bilang isang ina, handa na rin ang aktres sa kanyang pagbabalik-telebisyon at pelikula.