• Home
  • Fresh Scoops
  • EXCLUSIVE: Michael de Mesa, proud sa mga anak na sina Ryan at Geoff Eigenmann

EXCLUSIVE: Michael de Mesa, proud sa mga anak na sina Ryan at Geoff Eigenmann

Michael de Mesa, gustong bumalik sa pagdidirek

BY LEO BUKAS

Twitter: @leobukas

FRESH SCOOPS

9/10/2019 11:17 AM
EXCLUSIVE: Michael de Mesa, proud sa mga anak na sina Ryan at Geoff Eigenmann


Photo credit: @mdemesa24 IG

Proud daddy si Michael de Mesa sa mga lalaking anak na sina Ryan Eigenmann at Geoff Eigenmann na parehong aktibo sa pag-arte.

Si Ryan at Geoff ay anak ni Michael de Mesa sa aktres at estranged wife niyang si Gina Alajar. Kapatid nina Ryan at Geoff si AJ Eigenmann na hindi na aktibo sa showbiz ngayon.

Ayon kay Michael, masaya siya na nare-recognize din kahit papaano ang husay sa pag-arte ng kanyang mga anak.

“I’m very, very proud of my boys, sobra. Sobrang proud ako sa kanila,” bulalas ng aktor.

“They’d be able to leave their own mark at yon naman ang sinabi ko sa kanila, na para bang being the children of Michael and Gina (Alajar), will get you through the door, but to be able to get inside and stay there nasa kanila na yon. And I’m really very, very proud kasi yung thinking nila, hindi rin siguro sila naghahangad na maging star, gusto rin nilang makilala bilang magagaling na aktor,” pagmamalaki pa niya.

Si Geoff ay regular na napapanood ngayon sa ABS-CBN series na The Killer Bride samantalang si Ryan naman ay madalas mag-guest sa mga programa ng ABS-CBN.

Naibahagi rin ni Michael na regular namang napapanood sa FPJ’s Ang Probinsyano na pinagbibidahan ni Coco Martin na gusto ulit niyang magdirek.

Aniya, “Gusto kong gumawa ng pelikula. If ever dumating yung chance na makapagdirek ulit ako, gusto kong gumawa ng movie.

“For now, nag-i-enjoy ako sa pagiging artista. Actually, sa Probinsyano paminsan-minsan nagdidirek ako sa kanila. Napasama ako sa line-up ng directors, once in a while I get to direct certain episodes, pero hindi palagi.”

Ano ba ang itinuturing niyang unforgettable films na nagawa niya noon?

“Yung Unfaithful Wife, the movie with Ana Marie Gutierrez, that was the movie that gave me my very first Urian best actor award. In fact, Unfaithful Wife is still the number one favorite movie in my list personally.

“Marami akong unforgettable films talaga, my films with Vilma (Santos), Tagos Ng Dugo, my films with Celso Ad Castillo, my films with Peque Gallaga, my films with Laurice Guillen. Maraming unforgettable at marami ring forgettable,” natatawa niyang pagre-recall at pagbabahagi sa PUSH.

Anong klaseng aktor ba si Michael?

“I’m the type of actor that really imbibes my character. Sometimes to the point na naiuuwi ko siya lalo na nung bago-bago pa lang ako.

“Pero now, hindi naman sa pagmamayabang, I think I’m confident enough to say na I can handle it and I’m able to distinguish na, so I have all the time to get into character when I’m on the way to the set,” sagot ng aktor.

Ibinahagi rin ni Michael na sa tagal na niya sa industriya ng pelikula at telebisyon ay nakatrabaho na niya ang iba’t ibang klase ng artista.

“Merong mga actors na akala nila aktor na sila. Honestly, may mga actors, mga baguhan, na nakikita mo kung bakit sila nandiyan dahil gusto nilang gumaling. Meron din namang mga actors na kaya sila nandiyan kasi gusto nilang sumikat. Big difference yon.

“Of course, siyempre kung ako yung tatanungin, mas gusto kong suportahan yung mga taong nandiyan dahil gusto nilang maging aktor. And that’s what I always tell them, yon ang advice na binibigay ko sa kanila – na kung gusto ninyong tumagal sa industriyang ito, it will still always be talent that will prevail.

“Good looks, okey yan, pero that fades away, eh. Pero yung talent at saka yung pakikisaman, your good working attitude, yon yung magdadala sa ‘yo kung long term ang iniisip mo,” paliwanag ng actor-director.