Masaya at excited ang aktres na si Alessandra de Rossi sa kanyang kauna-unahang directorial job para sa proyektong kasalukuyan niyang binubuo kasama si Piolo Pascual.
Sa panayam ng ABS-CBN News, ibinahagi ni Alessandra na bibida siya kasama ang dating co-star sa pelikulang "Fuffy and Fream", na kaniya ring isinulat at ididirek.
Ayon sa 35 -year-old star, hindi niya kailanman in-expect na magiging isa siyang ganap na direktor. Aniya, "Lahat naman ng nangyari sa buhay ko, never ko siyang inisip eh.
"Mahirap siya kasi after mong mag-take ipi-preview mo kung okay tapos may makikita kang hindi okay, na kung sana nasa screen ka na-cut mo na siya."
Ani naman ni Piolo, "I'm just really excited na sa'min niya binigay 'yong magandang material na 'yan."
Taong 2017 nang huling nagkatrabaho ang dalawa para sa primetime series na "Since I Found You".
Samantala ay nagbahagi si Alessandra ng ilang behind-the-scenes ng "Fuffy and "Fream" sa Instagram.
Sa ngayon ay wala pang inilalabas na karagdagang detalye kaugnay sa nasabing pelikula.