Naging tampulan ng tukso si Dani Barretto matapos depensahan ang kanyang nakababatang kapatid na si Julia Barretto matapos madawit sa isyung hiwalayan nina Gerald Anderson at Bea Alonzo.
Dinagsa ng bashers ang social media accounts ng vlogger at sinabihan pang ‘labanan ito ng magaganda.’ Sa halip na magpadala sa mga pangungutya ng netizens ay minabuti niyang balikan ang mga ito gamit ang kanyang selfie.
Aniya, memorize na rin daw niya ang kanilang linyahan. Isinulat muna niya ang madalas na sinasabi sa kanya.
“Eh kasi naman Dani girl, bakit ka ba kasi sumasali sa away ng magaganda eh napaka panget mo at pinakasalan ka lang naman kasi na buntis ka. Next time kasi quiet ka nalang. Yan tuloy nababash ka.
“Oh gulat kayo memorize ko na kayo noh? HAHAHA,” dagdag pa niya.
“Oh ito, mainis kayo lalo sa maganda kong mukha. You do note meeeeee,” ani Dani.
Kaagad namang inulan ng reaksyon ang kanyang ginawa at nakatanggap ng suporta sa kanyang mga kaibigan at tagahanga.