Proud mom ang komedyante at singer na si K Brosas sa mga achievements ngayon ng kaniyang anak na si Crystal Brosas. Sa interview ng PUSH sa Tawag Ng Tanghalan judge, ikinuwento nito kung bakit hangang-hanga siya sa anak.
"Sobrang proud dahil mas talented sa akin yung batang yon e. Kasi hindi lang siya singer, she's a singer-songwriter. Hindi lang siya dancer, she's a dancer-choreographer.
"Yun naman dapat ang ina-achieve nating mga magulang para sa ating mga anak. Hindi yung kumanta lang, o sumayaw lang, dapat dream big ka na," kuwento ni K.
Bukod sa pagsusulat at pagpeperform ng sariling kanta, dumaan din sa mga dance workshops ng G-Force si Crystal kaya na-practice nito ang talento sa pagsasayaw.
Nakakagaan ng pakiramdam para kay K ang magandang pag-uumpisa ni Crystal sa industriya, kasabay ang kamakailang pag-graduate din nito sa college, at maging ang pagtatapos ng pinapagawang bahay.
"I'm so proud and yung feeling na [maginhawa], kasi tapos na yung bahay, naka-graduate na yung anak ko ng college. Pero pinupush ko rin siya kung gusto niyang mag-masters, gusto niya mag PhD, gusto mo mag vulcanizing?" biro ni K.
READ: K Brosas, excited na sa paglipat sa kanyang bagong bahay
READ: K Brosas todo ‘labada’ para matapos ang pinapagawang bahay
Samantala, sa parehong interview din ay nilinaw ni K na wala siyang dine-date sa ngayon, kahit na suportado naman ang anak sa kaniya na makahanap ng bagong love life. Paliwanag ni K, hindi raw ito isa sa mga kaniyang priorities ngayon.
"Ibibigay ni Lord sa tamang panahon. I'm turning 43. Naniniwala kasi ako na kung ano yung pina-prioritize natin, yung ang ibibigay ni Lord. Priority namin, career, bahay, investments, yun ang inuuna kasi yun ang pokus mo e.
"Siguro, sana by next year baka mapagdasal ko siya," sabi ni K.
Panoorin ang buong interview dito:
READ: K Brosas at Angeline Quinto, nagpapapayat daw para sa kanilang concert?
Naghahanda si K para sa kaniyang kauna-unahang major concert sa Araneta Coliseum, kasama ang kaibigang si Angeline Quinto. Pinamagatang Angeline K To Concert Namin To!, ididirek ito ni John Prats at magaganap sa July 12.