• Home
  • Fresh Scoops
  • Former Ex Battalion member John Roa naibalik ang friendship sa mga dating kagrupo

Former Ex Battalion member John Roa naibalik ang friendship sa mga dating kagrupo

Former Ex Battalion member John Roa handa na para sa solo career.

BY LEO BUKAS

Twitter: @leobukas

FRESH SCOOPS

7/3/2019 12:26 PM
Former Ex Battalion member John Roa naibalik ang friendship sa mga dating kagrupo


Nag-kiss and make-up na si John Roa at ang mga dati niyang kasamahan sa grupong Ex Battalion. Umalis si John sa grupo noon dahil gusto niyang magkaroon ng solong career bilang rap artist.

“Actually, hindi madali yung pag-alis sa group. Hindi ko itatago na nagkaroon din kami ng konting gap, siyempre normal yon, eh,” pagbabahagi ni John sa PUSH.

Pero sa pagdaan daw ng mga buwan ay unti-unti ring bumalik sa dati ang lahat.

“Gusto ko pa rin siyempreng ibalik yung nawala sa amin dati pa, yung samahan at friendship, at ngayon bumalik na siya. Imagine, leaving the group and now I’m releasing my first EP and ang magmi-mix ng vocals ko ay yung kasama ko dati sa grupo.

“Kumbaga, wala na sa amin yon, wala na. We’re good friends and we can make music together. Ang importante, may suporta kami sa isa’t isa,” masaya niyang pahayag.

Tinatanaw din ni John na malaking utang na loob ang pagiging dating member niya ng Ex Battalion.

Aniya, “Ang puso ko po nasa Ex B kasi sila po yung naging stepping stone ko at the same time sila yung nag-hone sa akin. Athough, I’ve been making music since 12 years old pero isa po sila sa nagpa-firm din ng pundasyon ko bilang musikero.”

Paano ba niya ide-describe ang music niya ngayon as John Roa na totally away from being a member of Ex Battalion?

“The sound is really new. It’s not sobrang new na, ‘uy!’ It is still me, and I’m very happy kasi ito yung hinahanap ko, eh. Hindi nawawala yung essence nung bilang ako pero at the same time may bago sa tenga ng tao.

 “Mainly pop siya saka more on ano, eh, interpretative, ganun siya na feels, eh. It’s more on feels, ganun. Hindi naman siya sobrang lupit,” paliwanag pa niya.

Si Ai-Ai delas Alas ang dating manager ng Ex Battalion. Sino na ba ang humahawak sa grupo ngayon?

“Wala rin po kasi akong alam, saka hindi na rin po ako nagtatanong sa kanila. Hindi po ako para mag-ano sa kanila. Alam ko naman po na kaya nila kasi before naman po nakaya din namin kahit wala si Ms. Ai,” pananaw niya.

Naniniwala ba siya na kailangan ng manager ng isang artist?

“Oo naman po. Kailangan din po yon. It’s a good thing to actually let people help you to know things better sa mga bagay na alam mong hindi mo kaya – sa pera, sa career,” huling pahayag ni John na isa sa magiging performer sa Go For Gold's World Record Attempt to break Guinness World Record in dribbling simultaneously on July 21 sa MOA Concert Grounds.