• Home
  • Fresh Scoops
  • Vilma Santos on Eddie Garcia: ‘Tito Ed, deserves maging National Artist’

Vilma Santos on Eddie Garcia: ‘Tito Ed, deserves maging National Artist’

Vilma Santos, naniniwalang dapat maging national artist si Eddie Garcia.

BY LEO BUKAS

Twitter: @leobukas

FRESH SCOOPS

6/26/2019 10:16 AM
Vilma Santos on Eddie Garcia: ‘Tito Ed, deserves maging National Artist’


Para sa Star For All Seasons at Lipa Congresswoman Vilma Santos ay karapat-dapat na maging National Artist ang yumaong multi-awarded actor-director na si Eddie Garcia.

Sa text message niya sa kaibigan naming writer na si Jun Nardo, ay tinuran nito na ang aktor ang perfect example kung paano maging professional.

Ani Cong. Vilma sa text message, “Tito Ed is one perfect example of professionalism as an actor and director!

“Kapag co-actor ka niya, napakalambing at kalog ni Tito Ed. Kapag director  siya ibang-iba -- seryoso at metikuloso.”

Hindi rin daw lingid sa kaalaman ng batikang aktor ang mga pinagdaanan sa buhay noon ni Vilma.

“Alam ni Tito Ed dinaanan ng buhay ko. Sa lahat ng pagsubok at tagumpay! Dahil bata pa ako nakasama ko na siya sa pelikula as co-actor ang director! Hanggang huling hininga nasa pelikula siya.

“Nagsilbi ng napakahabang panahon para sa industriya at natanggap na ang lahat ng mahahalagang awards bilang artista at director, hindi lang sa bansa kungdi international awards.

“Para sa akin, ganyan dapat ang nabibigyan ng MOST PRESTIGIOUS RECOGNITION (National Artist). INSPIRATION NG LAHAT NG PUMAPASOK SA INDUSTRIYA. ‘Yan si Eddie Garcia!” bahagi pa ng text message ng Star For All Seasons.

Nakasama ni Vilma si Eddie bilang leading man sa pelikulang Minsan Pa Nating Hagkan ang Nakaraan.

Naidirek naman siya ng ng yumaong actor sa pelikulang Saan Nagtatago Ang Pag-ibig, Sinasamba Kita, Imortal, at iba pa