OSHC, iniimbestigahan na ang aksidente ni Eddie Garcia

Iniimbestigahan na ng Occupational Safety and Health Center (OSHC) ang aksidenteng nangyari sa batikang aktor na si Eddie Garcia na siyang naging sanhi ng kanyang kamatayan nitong Miyerkules.

BY PUSH TEAM

FRESH SCOOPS

6/24/2019 12:29 PM
OSHC, iniimbestigahan na ang aksidente ni Eddie Garcia


Photo credit: Cinelamaya's Facebook

Iniimbestigahan na ng Occupational Safety and Health Center (OSHC) ang aksidenteng nangyari sa batikang aktor na si Eddie Garcia na siyang naging sanhi ng kanyang kamatayan nitong Miyerkules.

Kinumpirma ito ni Department of Labor and Employment (DOLE) Secretary Silvestre Bello sa isang interview sa burol ng nasabing screen legend sa Taguig City nitong Biyernes. 

“It is not the DOLE that will investigate but the Occupational Safety and Health Center, executive director Noel Binag. It's ongoing,” ani Bello na siyang nag-atas sa OSHC — na naniniguro na ligtas ang manggagawa sa kahit anong hazardous conditions sa trabaho na pwedeng maging sanhi ng sakit, aksidente, o kamatayan — upang isagawa ang imbestigasyon.

“Need bigyan value workplace ng workers, napakahalaga ‘yun,” dagdag niya.

Bukod dito ay ibinahagi ng Labor Secretary na dati na siyang naghain ng resolusyon sa Kongreso upang pormal na kilalanin si Eddie sa kanyang naging malaking ambag sa industriya. 

“I sponsored a resolution recognizing the work of Eddie Garcia as a reputable movie actor. He’s one actor who’s very famous, was never involved in any scandal unlike some. He was given recognition by Congress,” aniya.

Ika-8 ng Hunyo nang nagulantang ang showbiz world matapos ang balitang naaksidente ang former Ang Probinsyano star habang nasa taping ng kanyang palabas sa GMA Network. 

Napag-alaman na siya ay nagtamo ng neck fracture matapos di umano mapatid sa cable wire. Makaraan ang halos dalawang linggo na siya ay comatose sa ospital, tuluyan nang pumanaw si Eddie noong Miyerkules, ika-20 ng Hunyo sa edad na 90. 

READ: Eddie Garcia passes away