• Home
  • Fresh Scoops
  • EXCLUSIVE: Direk Easy Ferrer, naka-experience ng ‘baptism of fire’ sa ‘Finding You’

EXCLUSIVE: Direk Easy Ferrer, naka-experience ng ‘baptism of fire’ sa ‘Finding You’

Direk Easy Ferrer, idinetalye kung paano siya nagsimula bilang director.

BY LEO BUKAS

Twitter: @leobukas

FRESH SCOOPS

5/24/2019 3:15 PM
EXCLUSIVE: Direk Easy Ferrer, naka-experience  ng ‘baptism of fire’  sa ‘Finding You’


Nagsimula bilang assistant TV director sa ABS-CBN at sa pelikula si Direk Easy Ferrer bago siya nabigyan ng break na magdirek ng sariling pelikula.

Ang Finding You ng Regal Entertainment na pinagbibidahan nina Jerome Ponce at Jane Oineza ang magsisilbing directorial debut niya bilang film maker at masaya siya na finally ay natupad ang pangarap niya.

“Matagal ko na talagang gustong maging director, as in elementary pa lang, high school, hanggang college ako po yung nagdidirek ng mga stage plays. Ako yung nagsusulat ng mga one-act play sa school.

“So when I entered UP Diliman, talagang B.A. Film na yung kinuha ko kasi gusto ko talagang magdirek. That’s why when I entered Star Cinema, nung nag-creatives ako sa kanila and after I did the workshop with Sir Ricky Lee (scriptwriting workshop), ang goal ko na talaga ay maging director,” kuwento ng Finding You director kung paano siya nagsimula.

Pero bakit nga ba sa Regal siya unang nagdirek?

Ani Direk Easy, “Hindi naman po ako actually namimimili. Kung ano lang yung opportunity na dumating, kung sino po yung nagbigay ng chance, yon po. 

“Si Ms. Roselle (Monteverde) po kasi, back in 2017 nung nag-pitch ako (ng istorya), binigyan niya ako ng chance na maikuwento ito. Basta yung opportunity po na dumadating tinatanggap ko lahat.”

Nakasama na ni Direk Easy sina Jerome at Jane sa teleseryeng Nasaan Ka Nang Kailangan Kita nung naging assistant director siya ng programa kaya hindi na raw siya nahirapang mag-adjust sa dalawa.

“With the actors, kahit first time ko mag-movie, may respect sila, very collaborative sila. May communication na nagaganap. Pupunta sila sa set na prepared.

“Nakatrabaho na rin naman sina Jane at Jerome before sa teleserye, so from there hindi nagkakaroon ng friction. Wala akong na-feel na ida-doubt ko yung ginagawa ko, kasi lahat sila nirerespeto nila yung vision, alam nila yung vision ng pelikula ko,” paliwanag ng director.

Eh, ano ba ang hirap na na-encounter niya as a first time film director?

“Para sa akin, nung una pag tinitingnan ko siya, yung mga nakakatrabaho ko dahil nga assistant director ako, feeling ko okey pa, medyo chill lang siya. Pero yon pala, kapag nagdirek ka na saklaw mo na lahat ng responsibility,” lahad niya.

“Doon ko lang na-realize talaga yung bigat no’n. Kailangan lahat iisipin mo, iisipin mo yung design, kailangan bawat isa magamit mo sa department mo para maipakita mo yung vision at maikuwento mo siya nang maayos.

 “So yung challenge na yon, yung difficulty na yon ay kinokonsider ko talagang baptism of fire sa akin. Na ganito pala sa set, ganito pala ang totoong… Difficulty siya in away pero masaya ako na nalampasan ko siya at nagawa ko siya. Masaya ako sa kinalabasan ng pelikula,” pagtatapos ni Direk Easy sa interbyu ng PUSH.

Showing na ang Finding You sa May 29