Bagong role ngayon ang ginagampanan ng beteranong aktor na si Michael de Mesa sa numero unong programa tuwing gabi na Ang Probinsyano.
Sa ibinahaging Instagram post ng batikang aktor, pinasalamatan nito si Coco Martin sa tiwalang ibingay sa kanya nito bilang isa ngayon sa mga direktor ng show.
Bukod kay Coco, ipinaabot din ni Michael ang kanyang pasasalamat sa Dreamscape head na si Deo Endrinal na isa din sa mga nagtiwala sa kanyang talento sa pagiging isang direktor.
Sa ngayon, patuloy pa din na napapanuod si Michael bilang si Romano sa mas tumitinding mga eksena ng number one show sa bansa.